Derek may 5 saksi para patunayang di siya rapist, adik at pabayang ama

TIGAS ang pagtanggi ni Derek Ramsay sa mga paratang ng dating asawang si Mary Christine Jolly, lalo na ang akusasyon nitong pinagda-drugs siya saka pipiliting mag-sex.

Naiiling na lang ang Kapatid TV host-actor sa kinakaharap niyang kontrobersiya ngayon nang makachika ng entertainment media sa press launch ng The Amazing Race Season 2 na magsisimula na sa Oct. 6 (Lunes hanggang Linggo ng gabi).

Ang tinutukoy ni Derek ay ang mga inilahad ni Mary Christine sa kanyang reply affidavit kung saan pinalalabas siyang “rapist”. Hindi muna isinumite ang nasabing dokumento sa korte matapos magkaroon ng mediation ang dalawang kampo sa huling hearing ng kanilang kaso.

“Sa first affidavit was financial and economical, so we answered that. And now…guys, do you believe I am a rapist? That I do ecstasy and drugs? And I drugged her with ecstasy to have sex with her? I’m demanding anal sex?” ani Derek na iling lang nang iling.

Sa dami ng matitinding akusasyon sa kanya ng ex-wife, paano niya ito hina-handle? “I get a lot of phone calls every day from people who want to speak up, who know her and who know me.

My ex-girlfriend, Colette Centeno, flew all the way back. She was at the hearing, the last hearing. I was with Collette the last hearing.

“The girl that she said I kicked out of my house for her. She’s given her affidavit (sa last hearing). She’s giving my character background on how I was as a boyfriend and if I demanded her anal sex or if ever drugged her…to rape her.”

Nitong Huwebes ng hapon, muling nagharap sa Makati Prosecutor’s Office ang ex-couple kung saan nga pinanumpaan ng ex-GF  ni Derek na si Colette Centeno ang isinumite nitong affidavit na magpapatunay na hindi rapist, o nananakit ng babae o gumagamit ng droga ang aktor.

Bukod dito, nagsumite rin ng affidavit ang kanyang ina bilang witness at may tatlo pa na kaibigan daw ni Mary na tetestigo para sa kanya.

Nakatakdang magsumite sina Derek at Mary sa Oct. 13 ng kanilang memorandum kaugnay ng kinakaharap nilang kaso matapos ngang mabulilyaso ang mediation. “A settlement is supposed to be made for my son.

But, I guess, we just had to do with a different type of settlement, my continuing with what she has filed against me because I’m doing this for him (anak),” pahayag ng aktor matapos ang hearing.

Hindi sila nagkasundo tungkol sa usapin ng sustento sa bata, bukod dito, hindi rin nagustuhan ni Derek ang iba pang demands ni Mary na may kinalaban din sa pera, “Our affidavit is a hundred-something pages long.

It’s not all text. It’s not a paper filled with she’s this, she’s that. But even with my son telling me that he hates me and he wants me to go to jail, it’s really tough for me to do this. But what can I do, guys? Tell me.”