Para sa may kaarawan ngayon: Panahon ngayon ng mga Libra. Ibig sabihin kusang maghahari sa buhay mo ang pag-ibig. Sa pinansyal, tandaang kapag “laging in love” mas maraming salaping makakamit. Mapalad ang 6, 18, 27, 33, 43, at 49. Mahiwaga mong mantra: “Aum-Patrenan-Om-Ayena.”
Aries – (Marso 21-April 19)—Kung balak magnegosyo ngayon na ang panahon. Sa pag-ibig, kumbinsehin ang kasuyong Libra na magsosyo kayo ng produktong may kaugnayan sa Holiday Season na darating at mga pagkain. Mapalad ang 3, 12, 24, 33, 42 at 49. Mahiwaga mong mantra: “Aum-Pulkasa-Om-Kirata.” Maroon at beige ang buenas.
Taurus – (April 20-May 20)—Ang pagpapakabait at mababang loob ay mabuti, pero ang masama kung naisasakripsiyo mo na ng hindi mo namamalayan ang budget ng iyong pamilya. Hindi masamang magpautang, pero unahin muna ang kapakanan ng mga mahal sa buhay. Mapalad ang 7, 9, 15, 24, 33, at 42. “Om-Mohaya-Om-Mitra.” White at blue ang buenas.
Gemini – (May 21-June 21)—Sa pagiging tapat at totoo dagdag na ligaya ang makakamit. Suwerte sa produktong denideliver at inilalako, gayon din sa mga kalakal na kumikislap, kumikinang at may magaganda at nakaka-akit na kulay. Mapalad ang 5, 14, 23, 32, 41 at 45. Mahiwaga mong mantra: “Aum-Dosya-Gayatri-Om.” Silver at yellow ang buenas.
Cancer – (June 22- July 22)—Tubig ang iyong ruling element. Kaya sa sandaling iniyakan o binigyan mo ng kauting luha ang anomang nais makamit, sa salapi man at pag-ibig sa pamamagitan ng luha tiyak na ito ay ibibigay sa iyo ng tadhana. Mapalad ang 3, 15, 18, 21, 29, 34 at 44. Mahiwaga mong mantra: “Jiva-Om-Gosvami.” Green at white ang buenas.
Leo – (July 23 – August 22)—Panahaon na upang mag-isip ng malaking layunin. Ang pagkakaroon ng sariling sasakayn o kaya’y house and lot, puwede ring layunin ang magka-savings ng 1 million. Kapag nagawa mo yan, kusa ng maayos ang buhay. Mapalad ang 1, 4, 27, 36, 39, at 45. Mahiwaga mong mantra: “Aum-Kubera-Om.” Red at lilac ang buenas.
Virgo – (August 23 – September 22)—Maraming suwerte ang darating, pero dapat mo itong ingatan, dahil kasabay ng suwerte ang mga tukso ng ka-immoralan. Kapag nanatili kang matuwid mananatili din sa iyo ang bonggang-bonggang suwerte. Mapalad ang 7, 18, 27, 34, 38 at 49. Mahiwaga mong mantra: “Babanam-Kebalam.” Yellow at green ang buenas.
Libra – (September 23-October 23)— Dahil panahon ngayon ng mga Libra, higit na mas maraming suwerte at magagandang kapalaran ang kusang matatanggap higit lalo sa pinansyal at sa aspetong pang-emosyonal. Mapalad ang 3, 9, 10, 19, 34 at 49. Mahiwaga mong mantra: “Om-Jagat-Guro-Om.” Beige at marron ang buenas.
Scorpio – (October 24 – November 21)— Tama lang ang iyong ginagawa, hindi dapat mang-api at hindi karin dapat paapi. Habang inuuna ang kapakanan ng mga inaapi, kusa ng darating ang maraming suwerte, higit lalo sa pag-iibig at sa salapi. Mapalad ang 7, 11, 19, 23, 26, at 45. Mahiwaga mong mantra: “Aum-Avayara-Om-Beeja.” Pink at purple ang buenas.
Sagittarius – (November 22 – December 21)—Magtiis hangga’t kaya pa! Ganyan talaga ang bida sa mga telenobela, inaapi at binubogbog sa umpisa. Subalit sa sandaling umedad ka ng 33 o kaya’y 42, kusa ng gaganda ang iyong kapalaran sa pag-ibig at pinansyal. Mapalad ang 6, 14, 22, 31, 40 at 49. Mahiwaga mong mantra: “Aum-Gorocha-Om.” Brown at gray ang buenas.
Capricorn – (December 22 – January 19)—Ang unti-unting pagkaubos ng salapi sa ngayon ang maghahatid sa pagyaman sa darating na mga araw. Sa pag-ibig, ang kabiguan ngayon ay lihim na daan, upang matagpuan ang isang mas maligayang ka-relasyon. Mapalad ang 4, 7, 19, 24, 34, at 46. Mahiwaga mong mantra: “Aum-Joviyo-Om-Krato.” Gold at lilac ang buenas.
Aquarius – (January 20 – February 18)— Kung bigo man sa pag-ibig ituon na lang ang buhay sa salapi. Walang dapat gawin sa ngayon kundi ang magpayaman. Kapag mayaman ka na, makakabili ka na rin ng isang tapat at tunay na pag-ibig. Mapalad ang 7, 15, 23, 34, 45 at 49. Mahiwaga mong mantra: “Bhagava-Githa-Om.” Yellow at pink ang buenas.
Pisces – (February 19 – March 20)— Kakapusin ka na naman sa salapi na lagi namang nangyayari. Ang magandang gawin ngayon ay mag-tipid. Alalahaning malapit na ang Pasko. Sa pag-ibig, magpatago ng kaunting halaga sa kasuyong kuripot. Mapalad ang 7, 20, 22, 27, 34 at 43. Mahiwaga mong mantra: “Govinda-Keh-Balam.” Green at red ang buenas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.