HARA misyong iangat ang Davao sa mundo ng P-Pop: We carry our cultures, traditions

MAY malaking misyon ang bagong P-Pop girl group na HARA at ito ang ipagmalaki ang Davao at buong Mindanao sa bansa at maging sa international stage. 

Sa exclusive interview ng BANDERA, sinabi ng grupo na bitbit nila ang kanilang kultura, pinagmulan, at pangarap sa pamamagitan ng musika kahit saan man sila magtanghal.

“As the first P-Pop group from Davao, representing Davao and Mindanao is both an honor and responsibility. One thing that Davao taught us is to stay grounded because Davao has a deep respect for their culture and civility which keeps us humble,” sey ni Tashi.

Ipinagmamalaki rin nilang maipakita sa mas maraming tao ang husay at determinasyon ng mga taga-Davao at buong Mindanao.

Baka Bet Mo: HARA bongga ang bonding sa likod ng girl power image; wish maging inspirasyon

“One thing that I’m proud of from Davao to share with other people is the talents and the ambition ng mga taga-Mindanao and mga taga-Davao and we want to inspire other artists from Davao and Mindanao to pursue their dreams and to believe in themselves,” wika pa niya.

Pero hindi lang ang kanilang pinagmulan ang nais nilang maging tatak.

Ayon kay Ai, sa ngayon ay nakasentro ang kanilang konsepto sa self-love at empowerment dahil ito ang mensaheng malapit sa kanilang puso.

“We are leaning on the empowerment side of our concept because we really resonate with that kind of energy. We really want people to feel strong and feel loved,” sambit ng dalaga.

Pero paglilinaw niya, “But we do also want to try other genres, other advocacies. We want to use any other way to inspire more people, not just by empowerment, but maybe also by storytelling, more inspiration.”

Bukas din ang grupo sa pagtalakay ng iba’t ibang kwento at mensahe sa mga susunod nilang proyekto habang patuloy na lumalawak ang kanilang musical identity.

Sa dami ng mahuhusay na P-Pop groups ngayon, ano nga ba ang maipagmamalaki ng HARA?

Para kay Yani, bawat grupo ay may sariling kulay, pero naniniwala siyang kakaiba ang dala ng HARA dahil sa kanilang pinanggalingan.

“For me, ang something na nagpapaka-unique sa amin is we’re the first P-Pop group from Davao City. We are all Bisaya and we are here to represent our city,” pagmamalaki niya.

Hindi lang bagong tunog ang nais nilang ihatid kundi pati ang kanilang kultura at mga kuwentong nagmula sa Mindanao.

“And also, we bring a new perspective din sa P-Pop scene kasi very different. Iba talaga. Parang bago talaga na. We bring new stories and also we carry our culture and traditions. Ang goal din po namin is to put Davao in the P-Pop map,” aniya pa.

Kasalukuyang ipinapakilala ng HARA ang kanilang pre-debut single na “My Love,” isang dance-pop track na may mensahe ng self-worth at empowerment.

Ang grupo rin ang pinakabagong P-Pop act na pumirma sa Sony Music Entertainment Philippines, kasunod ng pagiging bahagi nila ng Unique Music Management ni Paul Widger.