IBANG level na talaga ang kagandahan at kaseksihan ni Lovi Poe, ‘no! Aba, napabilang lang naman siya sa bagong issue ng Esquire Magazine Mexico.
At dahil diyan, parang nakikita na namin ang reaction ng isang young actress na balitang inggit na inggit sa success na tinatamasa ni Lovi.
Mismong si Raymond Gutierrez, ang tumatayong style director ng Esquire Philippines, ang nagbalita nito sa pamamagitan ng kanyang Twitter account.
Ayon kay Raymond, proud na proud siya kay Lovi dahil bihira nga naman na maka-penetrate ang isang Pinay sa mga international magazines tulad ng Esquire.
Ayon sa tweet ni Raymond, “Guess who’s featured in Esquire Mexico! @lovipoe.”
Makikita ang nasabing pictorial ng sexy actress sa mismong centerfold ng magazine with matching two-page interview pa.
“Y dios creo a… Lovi Poe: Lo que un hombre puede aprender de una mujer sexy” (And God created a… Lovi Poe: What a man can learn from a sexy woman) ang titulo ng nasabing article kung saan makikita si Lovi na nakaupo sa kama na naka-white shirt at parang naka-panty lang dahil nakalabas nga ang kanyang legs.
Siyempre, tuwang-tuwa naman si Lovi sa good news na ito, aniya, “I’m very thankful that I was featured in an international edition of Esquire Magazine.
I feel very fortunate and blessed. I’m grateful for the creative team behind Esquire Philippines.”
Kaya mamatay na lang sa inggit ang sinasabi naming young actress na inggit na inggit at super insecure kay Lovi.
Feeling namin, hindi ‘yan magpapatalbog at asahan nang gagawa na naman siya ng gimik para hindi siya mawala sa eksena! Kakaloka talaga ang girl!
Anyway, talagang pinapalakpakan din ang acting ni Lovi sa teleserye ng GMA na Legacy.
In fairness, siya ang sinasabing pinakabida sa programang ito dahil halos araw-araw ay puro highlights ang kanyang mga eksena, not to mention the fact na laging patok ang kanyang mga dialogues na ginagaya-gaya na ngayon ng mga manonood.
May mga pagkakataon pa ngang nilalamon niya sa acting sina Heart Evangelista at Alessandra de Rossi, hindi lang namin sure kung sinasadyang mag-underacting nina Heart at Alex o talaga lang mas magaling sa kanila sI Lovi?
Kayo dear readers, agree ba kayo na nilalampaso ni Lovi sa acting sina Heart at Alex? Naku, watch na lang kayo ng Legacy gabi-gabi sa GMA TeleBabad at kayo na nga ang humusga. OK?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.