Nadine Lustre kinakawawa ng mga bashers dahil kamukha ni Kathryn

Aminado ang Viva princess na si Nadine Lustre na malaki ang naitutulong ng Kapamilya Teen Queen na si Kathryn Bernardo para mas mabilis siyang makilala ng mga tao. Malaki kasi ang pagkakahawig nila ni Kathryn, pati na sa pagsasalita.

Pero kung marami ang nagagandahan sa kanya at natutuwa dahil kamukha nga niya si Kathryn, marami rin ang naiinis lalo na ang fans nina Kathryn at Daniel Padilla.

Sa katunayan, nababasa raw niya ang mga panlalait ng bashers sa kanya. Sa presscon ng bagong pelikula nila ni James Reid na “Talk Back And You’re Dead” mula sa Viva Films at Skylight Films na idinirek ni Andoy Ranay, sinabi ni Nadine na hindi siya nao-offend kapag sinasabing copycat lang siya ni Kath.

“It’s okay, it’s not bad. It’s actually really good kasi people noticed me. Kahit bashers ‘yan, kahit ayaw nila sa akin, at least they still know me, hindi ba?” anang dalaga.

“Yeah. I mean, I can’t do anything about it naman…pero there’s like, a lot of people telling me that I don’t (kamukha ni Kathryn) Siguro in some angles lang pero hindi naman talaga,” dagdag pa ni Nadine.

Dito nga nasabi ni Nadine na napakarami niyang haters dahil sa pagkakahawig nila ni Kathryn, “‘Yung pinaka-hurtful was when someone threatened me and my family, there was something like that.

There was something in the message…I just don’t respond.”  “Why would I be scared? I know naman na I don’t really copy her. It’s just that we have the same features lang siguro,” hirit pa ng dalaga.

Ayon pa sa ka-loveteam ni James Reid na nauna ngang nakilala sa launching film nilang “Diary Ng Panget” na tumabo rin sa takilya, napakalaki ng respeto niya kina Kathryn at Daniel, sa katunayan, “Nakakakilig naman sila talaga.

Even my friends, kinikilig sa kanila. I’m like, 20 years old, ang mga friends ko they are 21, 22, kinikilig sa kanila. I was supposed to watch ‘She’s Dating the Gangster’ but then again, we don’t have time.”

Say pa ni Nadine, napakarami pa nilang kailangan patunayan ni James bago nila marating ang kinalalagyan ngayon ng Kathniel loveteam. Kilala naman ngayon ang tambalan nila ni James na JaDine.

“Ang level ng KathNiel ay mataas na. For us to be compared to KathNiel is very flattering…kasi we are only beginning,” sey pa ng dalaga.

Anyway, para sa lahat ng fans ng JaDine at pati na rin ng Kathniel, suportahan n’yo ang “Talk Back And You’re Dead”, dahil ayon nga sa direktor nitong si Andoy Ranay, hindi kayo magsisisi dahil napakaganda ng kuwento ng movie.

Showing na ito sa Aug. 20 nationwide. Makakasama rin dito sina Joseph Marco bilang kaagaw ni James kay Nadine, Yassi Pressman at marami pang iba. Ang “Talk Back And You’re Dead” ay hango sa sikat na sikat na librong isinulat ni Alesana Marie mula sa Psicom Publishing.

( Photo credit to EAS )