Nag-iiyak nang matsugi sa Wil Time Bigtime
SI Edu Manzano naman ang makakasama ni Konsehala Shalani Soledad-Romulo sa bagong noontime game show ng TV5 na may titulong Game N Go kasama sina Gelli de Belen, Tuesday Vargas, Pretty Triszha, April “Congrats” Gustillo at Arnell Ignacio na mapapanood mula Lunes hanggang Sabado sa ganap (11:30 a.m.) simula sa susunod na buwan.
Hindi na kami nagpatumpik-tumpik pa dahil kinuha namin ang reaksyon ng konsehala tungkol sa pagkakatsugi niya sa Will Time, Bigtime bilang co-host ni Willie Revillame.
Ang alam kasi ng lahat ay on-leave lang siya sa programa dahil nga ikinasal na siya at nag-honeymoon, laking gulat na lang niya ng hindi na siya pinabalik pa sa show ni Willie at dahil dito ay nag-iiyak daw siya.
Magalang kaming sinagot ni Shalani ng, “I think it’s better if we can talk about Game N Go. I think in life, there are some things na when it hits you, medyo malungkot.
But then, you also have to move on, you also have to be thankful for other opportunities that are being given you.”
Siyempre, hindi kami kuntento sa sagot ng konsehala kaya tinanong namin siya kung may away ba sila ni Willie?
“With regards to Will Time Bigtime, I think better ask them for specifics.
I’ve spoken with our business unit head, and I’ve said, alam naman nila, sinabi ko rin that TV5 is offering me a show and I also told them that I’m considering accepting it,” paliwanag ni Shalani.
Bakit nga ba hindi siya kinausap nang personal ni Willie nu’ng tinanggal siya sa show? Bagama’t medyo naloka si Shalani sa tanong ay maayos pa rin niyang sinagot ito, “Ah, I think Game N Go na lang ang i-discuss natin kasi malapit na siya, so let us all be excited.”
Pero nagpapasalamat ang maybahay ni Rep. Roman Romulo sa programa ni Willie, “Ako, I have nothing but gratefulness, really, for the show.
Lahat ng nakatrabaho ko sa Will Time Bigtime, lahat iyan, love ko. In fact, sila pa nga iyong gumawa ng set namin, sila kuya Freddie, so everyone that I have worked with, lahat iyan mahal ko.”
Kaya ang next question namin ay paano tinanggap ng asawa niya ang pagkakatanggal niya sa show? “Si Roman naman, he has always been supportive of what I do.
He’s always telling me, ‘As long as you’re happy in your work, as long as you’re happy with what you’re doing,’ sabi niya, ‘Okay sa akin. If it makes you happy, happy na rin ako,’” kuwento ni Shalani.
Samantala, abut-abot ang pasalamat ni Shalani sa TV5 dahil sinalo siya nang tsugihin siya sa show ni Willie at inamin din niyang may network contract na siya, “We haven’t signed it yet, but it’s being negotiated.”
Ilang taon ang pipirmahan niyang kontrata, “10,000 years! Ha-hahaha!” pabirong sagot ni Shalani sabay sabing, “I think one year.”
Kinumusta namin ang honeymoon nila ni Cong. Romulo sa Italy, “Ay masaya, although this time of the year is winter sa Europe so ang pinuntahan namin is Paris and Rome, so sobrang lamig.”
Biniro namin siya kung nagkulong lang sila sa kwarto ng kanyang mister, “Ay hindi naman kasi it’s my first time to go to Paris and Rome so pinuntahan namin ‘yung mga tourist spots nila.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.