John kina Priscilla at Janice: Kung ayaw nilang maging magkaibigan, bahala sila!
Hindi pipilitan ni John Estrada na maging magkaibigan ang asawang si Priscilla Mereilles at ang ex-wife niyang si Janice de Belen. Mismong si Janice na kasi ang nagsabi na hindi nila kailangang maging close ni Priscilla, ang mahalaga ay okay na sila ni John at nag-uusap na muli para sa kapakanan ng kanilang mga anak.
Sabi pa nga ni Janice, “Kasi may mga bagay na hindi dapat pinipilit. Hindi naman kami magkaaway ni Priscilla. Hindi lang rin siguro kami meant na maging mag-best friends.
As long as we are civil at maayos kaming dalawa, walang problema ‘yun.” Sa interview ng The Buzz kay John noong nakaraang Linggo, sinabi nitong nirerespeto niya ang desisyon ni Janice.
May sariling isip at may sariling desisyon na raw ang kanyang misis at si Janice. “Kung gusto naman din talaga nilang maging magkaibigan, eh di bahala sila.
Kung ayaw naman nila or kung okay naman silang ganito, wala din namang problema sa akin ‘yun. Ang importante din naman samin ni Priscilla at tsaka ni Janice ay ‘yung mga bata,” paliwanag ni John.
( Photo credit to john estrada official fanpage )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.