One on One with Glorious Isabelle Daza

NI ERVIN SANTIAGO

UNTI-UNTI nang umaariba ang bituin ni Isabelle Daza—ang anak ni 1969 Miss Universe Gloria Diaz. Nagsimula bilang commercial model, ngayon ay kilala na si Isabelle bilang pambatong host ng GMA 7. Napapanood ang dalaga sa “Manny Many Prizes” kasama si Manny Pacquiao at sa infotainment na “iBilib” with Chris Tiu.

Nakachika namin recently si Isabelle at, in fairness, masarap siyang kausap dahil bukod sa matalino ay game na game rin siyang sumagot sa mga intrigang ikinakabit sa kanya.

Narito ang naging takbo ng aming one-on-one kay Isabelle Daza.

BANDERA: Inasahan mo ba na magiging celebrity ka rin like your mom?

ISABELLE DAZA: Actually, nandu’n ‘yung interest, pero hindi ko talaga pinlano ang lahat. It just came. Gusto ko talaga munang tapusin ang studies ko bago ako pumasok sa showbiz.

I’m also into sports now.

I did triathlon last holiday season. And although five lang kami na women sa competition na ‘yun, tapos 20 guys, happy pa rin ako kasi ang hirap-hirap pala talaga niya.

I was to give up na, parang ayoko na but then I really pushed myself until the end.

Umalis na nga ako sa venue, I didn’t even know that I won.

May nag-text lang sa akin from the team na nanalo nga raw ako. Kung alam ko lang na mananalo pala ako, hindi agad ako umalis para kunin ‘yung medal ko.

B: So, talagang kinakarir mo ang sports?
ID: I think I’m surrounded with people na into sports, like Georgina (Wilson), si Solenn (Heussaff) lahat kami nag-i-sports lagi together, and I think that’s the key sa aming healthy life. Naks, parang commercial lang, ‘no! Hahahaha!

B: Kumusta naman ang showbiz life mo?
ID: I like it naman, na-eenjoy ko naman ang showbiz kasi I get to do a lot of things that teach me, like time management, teach me about myself, hosting in different regions, nakikita ko ‘yung iba’t-ibang magagandang lugar sa Pilipinas, so I’m so fortunate na nabibigyan ako ng ganitong klase ng opportunities.

Siyempre meeting people, new friends, ang dami-dami kong nakikilalang bagong kaibigan, like sa “Manny Many Prizes,” ang dami kong nakakausap na mga tao, nakukuwento nila ‘yung life stories nila, very interesting. I like the whole experience so far.

B: Naha-handle mo naman ang mga intriga?
ID: Okay lang, I think it comes with the territory. And ever since bata pa ako, I was exposed to those things na.

Tsaka, it’s part of life, kahit nasa isang corporate ka, sa opisina, may mga intriga rin naman.

So, hindi mo talaga maiiwasan, might as well, dedmahin mo na lang. But siyempre sa showbiz, I guess it’s more broadcasted, it’s just a matter of how you respond to it and how you bounce back.

B: Tulad ng tsismis sa inyo noon ni Pacman – na kesyo nagiging mas close kayo, na kesyo nagkakaligawan na raw?
ID: Si Pacman? Meron bang ganu’n? Well, I think sa showbiz naman, lahat ng ka-work mo may ganu’ng link-link. Pero ako I just laugh about it, I don’t want to deny or confirm about something.

Basta ang masasabi ko, si Congressman Manny sobrang bait niya and si Jinkee rin, napakabait and generous, ‘yung kids nila sobrang cute.

B: Close na close na ba kayo ni Pacman?
ID: Hindi naman super duper close, but we’re okay.

Si Paolo Contis din, he always makes us laugh, mahilig manloko, masaya lang kami, nina Gladys, dati nandiyan din si Rhian. So, happy family lang.

B: Saan ka mas nag-eenjoy, sa acting or hosting?
ID: I think I enjoy hosting the most, kasi you just have to be yourself, natural lang, pwede kang mag-adlib, pwede kang magkamali and correct it immediately.

Tapos pwede kang mag-host ng iba’t-ibang shows, like MMP, kasi kasama mo ‘yung international boxing champion natin, and also na-cover ko ‘yung Miss World.

Ang acting kasi mahirap kasi you have to portray a character na possible na malayung-malayo sa personality mo.

So effort ‘yun, lalo na kapag kailangan mong umiyak, kahit na happy ka sa life mo, or inspired ka, pero kapag may taping ka, you have to cry. Things like that.

But I have been exposed since bata pa ako, my mom was at “Cool Ka Lang” (dating sitcom) dito sa GMA, so lagi lang akong nandito kasama niya.

B: Gusto mo ba talagang maging artista?
ID: Actually, nu’ng binigyan ako ng malaking opportunity ng GMA, sabi ko swerte ko na ‘yon, kasi noon nasa pre-medicine na ako, e.

And ‘yun ang mahirap, kasi nu’ng nag-aaral ako minsan may exam ako, minsan may commercial shoot ako, ang hirap i-balance ng time. ‘Yun papasok na ako sa med school, pero hindi ko lang sure kung ipagpapatuloy ko.

Tsaka sa lifestyle, sa modelling, commercial, events, tapos siyempre, I wanted to do a lot of sports, noon kasi wala pa akong masyadong ginagawa as in studies, studies lang.

I wanted to know kung ano ang gusto kong gawin talaga. Tapos pumasok nga ‘yung mga hosting jobs. And I also wanna help my mom, kasi she’s working for the whole family.

B: Gusto mo bang sundan ang yapak ng mommy mo?
ID: Yeah, why not? You know, I saw my mom evolve in showbiz. From being a beauty queen, she became an actress and won acting awards pa.

And yes, I would like to end up like my mom, napakarami niyang napatunayan hindi lang sa sarili niya kundi sa buong mundo. I’m really proud of her.

B: Kumusta naman ang lovelife?
ID: Okay naman. Yeah, relax lang.

B: Wala bang demands ang boyfriend mo ngayon na super busy ka na sa showbiz?
ID: Wala naman, wala, e.

B: Isa sa nagpasikat talaga kay Gloria Diaz ay ang first movie niyang Ang Pinakamagandang Hayop sa Balat ng Lupa. Kung may offer, gusto ba niyang i-remake ito?
ID: We all know naman that movie made her a big star.

And it’s something special for me dahil ‘yung name niya du’n sa movie, kinuha sa pangalan ko.

For me, tatanggapin ko ‘yung offer kung okey ‘yung magiging director at kapag na-feel ko na ready na ako to do such bold and daring move.

Kapag nandiyan na siguro, I will not have second thoughts. Di ba, sinasabi nga nila, classic na ‘yung movie, so I would love to do it. And one more thing, may scenes dun na kailangang mangabayo, I think that wouldn’t be a problem anymore, dahil equestrian din ako.