Matteo kay Sarah: 25 na siya, panahon na para mas ma-enjoy niya ang buhay!

MATTEO GUIDICELLI AT SARAH GERONIMO

“I think it’s time for Sarah (Geronimo) to enjoy her life more!” Ito ang naging pahayag ni Matteo Guidicelli sa interview ng ABS-CBN nang tanungin tungkol sa kanyang rumored girlfriend.

Ayon sa binata, naniniwala siya na sa edad ngayon ng Pop Princess, karapatan nitong maging maligaya at ma-enjoy kung anuman ang meron siya ngayon sa kanyang buhay. At ganu’n din daw siya, “Masaya naman siyempre. Sasabihin ko I’ve never been happier,” ani Matteo.

Mukhang hindi na rin itinatago ng dalawa ang kanilang relasyon dahil madalas na silang makitang magkasama sa mga lakaran, ag latest nga ay ang “foursome date” nila nina Judy Ann Santos and Ryan Agoncillo. Feeling ba niya, it’s about time para ibandera sa buong mundo kung anumang meron sila ni Sarah?

“Ewan ko kung tamang panahon ba but wala naman akong dine-deny. Wala naman akong sinabi. Basta we are just enjoying every moment and just doing our own thing. I think it’s time for Sarah to enjoy her life more. She’s already 25 and she’s starting to enjoy everything much more. I’m happy for that,” paliwanag ng binata.

Kamakailan ay inamin din ni Matteo na sabay silang nanood ni Sarah ng “Maybe This Time” kasama ang iba pa nilang kaibigan.

Papuri nga ng binata sa movie nina Sarah at Coco Martin, “Ang galing. Congrats kay direk and of course Sarah was awesome.

Lahat ng mga iyak niya sobrang totoo kumbaga. So masarap panoorin. It was cool. Congratulations to all of them.”

At alam din daw ng mga magulang ng Pop Princess ang pagde-date nila nila, “Oo naman, alam naman nila lahat.”

Samantala, muling inihayag ni Matteo na gustung-gusto ng kanyang pamilya si Sarah, lalo na ng kanyang nanay, “My mom loves Sarah, okay naman, okay naman lahat.”

Marami ang nagsasabi na siya ang lucky charm ni Sarah kaya sunud-sunod ang tagumpay nito sa kanyang career, “I guess she deserves every bit of it. She’s amazing, she’s talented. I think she deserves to enjoy her life more. I don’t know (kung siya ang lucky charm). I have no idea. Am I? Ha-hahaha!”

Anyway, isang certified blockbuster hit na nga ang “Maybe This Time,” ayon sa Star Cinema, umabot na sa mahigit P100 million ang kinita nito sa isang linggong pagpapalabas sa mga sinehan.