Palaisipan sa lahat kung nagkabalikan na sina Piolo Pascual at KC Concepcion dahil nga sweet-sweetan naman daw ang drama nila nu’ng nasa Amerika sila para sa series of shows nila kasama si Yeng Constantino.
Ipinakita rin sa isang amateur video na kinikilig si KC habang kinakantahan ni Piolo ng “Give Me A Chance” kaya naisip ng lahat na baka okay na ang dalawa at maaaring nagkabalikan na.
Pero ayon mismo sa taong malapit sa TV host-singer, hindi pa raw sila nagkabalikan, “Ayaw na ni KC, pero okay sila ni Piolo.”
Kaya inaabangan na naman ng lahat ang sasabihin nina Piolo at KC kung ano ang real score sa kanilang dalawa.
Samantala, si KC ang kakanta sa opening ceremonies ng ika-26 na Southeast Asian Games sa Palembang, Indonesia. Nakatakda niyang awitin ang “Together We Will Shine” kasama ang Indonesian actress-singer na si Agnes Mojica at biriterang si Jacklyn Victor sa Malaysia.
Sa kanyang Twitter account, ibinahagi ni KC na nakarating na siya sa Indonesia at kasalukuyang nag-e-ensayo. Tunghayan ang kapana-panabik na performance ni KC sa opening ceremonies ng 26th SEA Games, na ipapalabas ng live sa Studio 23, 8 p.m..
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.