Kim pumasa sa audition bilang Dyesebel
Si Kim Chiu na nga ba ang gaganap na Dyesebel? Ang sabi kasi sa amin ng isang source, si Kim na raw ang napili ng management para gumanap sa nasabing Pinay mermaid.
Matagal nang nababalitang may serye ulit na gagawin sina Kim at Xian Lim, pero hindi naman nababanggit kung ano ang titulo nito dahil ayon sa mga taga-Dos, sorpresa raw.
In passing lang nabanggit sa amin ng aming source kung alam ko na raw ba na si Kim ang gaganap na Dyesebel at hindi si Kristine Hermosa na hindi pinayagan ng asawang si Oyo Boy Sotto.
May naglabasan din kamakailan na si Jessy Mendiola raw ang bagong Dyesebel.Bukod dito, nabanggit din sa amin na may pa-audition pa rin ang ABS-CBN para sa Dyesebel na puwedeng makasama ni Kim sa dagat dahil kailangan sa mga makakapasa sa audition ay magaling lumangoy.
Tinext namin ang publicist ng Dreamscape Unit ni Deo T. Endrinal na si Eric John Salut, pero hindi kami sinasagot, marahil ay ayaw niyang pangunahan ang magiging official statement ng ABS-CBN hinggil dito.
( Photo credit to Google )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.