TATLONG panalo sa anim na araw. Iyan ang nagawa ng nagdedepensang kampeong Talk ‘N Text sa nakaraang linggo ng PLDT myDSL PBA Philippine Cup.
Sa panalo ng Tropang Texters kontra Rain Or Shine, Barako Bull at Air21 ay nagbida para sa kanila ang guwardiyang si Jayson Castro na pina-rangalan bilang Accel-PBA Press Corps Player of the Week para sa period na Disyembre 15-22.
Ang 5-foot-8 na si Castro ay nagtala ng 13 puntos, tatlong rebounds at tatlong assists sa 90-87 panalo ng Talk ‘N Text kontra Rain Or Shine noong Martes.
Mas impresib ang kanyang naging performance noong Biyernes nang siya ay gumawa ng 23 puntos, anim na rebounds at siyam na assists sa 87-80 panalo ng Talk ‘N Text kontra Barako Bull.
Noong Linggo ay gumawa naman siya ng 21 puntos at anim na rebounds sa 87-82 tagumpay ng Tropang Texters laban sa Air21 Express.
Si Castro ay kinailangang kumayod nang husto upang punan ang pagkawala ng injured guard na si Ryan Reyes.
( Photo credit to INS )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.