Vice Ganda pinag-tripan pagpasok ni Anne Curtis, patama kay Bato dela Rosa?
NAPAG-TRIPAN na naman ng Unkabogable Star na si Vice Ganda ang kanyang sisteret at co-host sa “It’s Showtime” na si Anne Curtis.
Sa isang episode ng noontime program nitong Martes, May 12, tinanong niya si Anne kung papasok ba ito sa kanilang show.
“Sabi ko kay Anne Curtis, ‘Papasok ka ba?’ Sabi niya, ‘Papasok ako! No’ng dumating ako diyan, tatanungin niya kung bakit nando’n ako. Hindi na lang ako papasok!'” saad ni Vice.
Sabi naman ni Jhong Hilario, “Parang narinig ko na ‘yan, a.”
Baka Bet Mo: Alvin Aragon pinalagan parenting advice ni Vice Ganda: Sino ka?
View this post on Instagram
Chika pa ni Vice, papasok naman daw talaga si Anne at nakita pa nga raw niya ang sisteret sa ABS-CBN ngunit nagdesisyon ring umuwi kalaunan.
“Tumatakbo kasi siya. Nadapa sa hagdanan. So, bumalik. Anne, get well soon,” pagpapatuloy pa niya.
Tila na-gets naman agad ng madlang pipol ang joke ni Vice na tila may kaugnayan sa naganap sa Senado nitong Lunes, May 11, kung saan biglang pumasok si Sen. Bato dela Rosa matapos ang ilang buwang pagliban dahil sa arrest warrant na naghihintay sa kanya mula sa International Criminal Court.
Dahil rito ay inulan ang senador ng tanong hinggil sa kanyang pag-absent nang matagal na siyang pasigaw na pinalagan ni Bato.
“I’m a senator of this Republic,” buwelta ng senador. ”Kung hindi ako pumapasok hinahanap n’yo ako, ngayong pumapasok ako tatanungin n’yo ako bakit ako pumapasok?”
Nag-viral rin anf CCTV footage ng kanyang pagtakbo at pagkakadapa habang tumatakas sa mga ahenta ng National Bureau of Investigation (NBI).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.