Ellie kinatawan ng Pinas sa Yale Model UN sa Singapore, Andi proud nanay
SUPER proud si Andi Eigenmann sa kanyang panganay na si Ellie, na isa sa mga delegado sa prestihiyosong Yale Model United Nations Conference sa Singapore.
Ang Model UN ay isang simulation ng UN, kung saan ginagampanan ng mga estudyante ang papel ng mga diplomat at tatalakayin ang iba’t ibang global issues.
Sa Instagram Stories kamakailan lang, masayang ibinandera ni Andi ang suporta at pagmamalaki sa anak.
“Our Elle as a delegate at Yale’s international model UN conference in Singapore,” pagmamalaki niya, kalakip ang portrait photo ni Ellie.
Baka Bet Mo: Andi Eigenmann pinabayaan na raw ang sarili sa Siargao, rumesbak sa bashers
Wika pa niya, “She’s choosing a path that’s true to her and I’m all for it. I’m so proud of this little lady.”
“No matter where life takes her, she stays grounded and simple. Just like that of a true island girl,” dagdag ng celebrity mom.
Ang mensahe ni Andi sa anak: “Keep doing you, Elle! The world could use more of that.”
Samantala sa IG Story ng ama ni Ellie na si Jake Ejercito, makikitang tila kasama siya sa Singapore dahil sa ipinakitang name tag para sa event.
Ayon sa website ng Yale Model United Nations, gaganapin ang event hanggang March 16.
Dito, hinihikayat ang mga delegado na ilagay ang sarili nila sa posisyon ng mga lider ng mundo at gamitin ang kanilang kaalaman, talino sa diplomasya, at kakayahan sa paglutas ng problema.
Si Ellie ay dating homeschooled sa Siargao sa loob ng tatlong taon bago bumalik sa Metro Manila noong 2024 at nag-enroll sa regular na high school.
“When everything started going back to normal after the pandemic, Ellie craved for a school setup that was more normal for her,” sambit ni Andi noon sa kanyang socmed post.
Aniya pa, “…For Ellie, that’s what works better for her and as a parent, all I can do is guide her into making decisions that will be for her benefit, not mine.”
Bukod kay Ellie, may dalawang anak pa si Andi na sina Lilo at Koa sa longtime partner na si Philmar Alipayo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.