Mavy Legaspi na-cringe sa big night ng PBB Collab 2.0, anyare?
MAY nilinaw ang Kapuso actor-host na si Mavy Legaspi matapos mapansin ng netizens ang mabagal niyang pagsasalita sa Big Night ng “Pinoy Big Brother: Celebrity Collab Edition 2.0”.
Agad kumalat kasi online ang isang clip mula sa livestream ng finale, kung saan si Mavy ay maingat na binibigkas ang kanyang mga linya habang hinihintay ang co-host niyang si Alexa Ilacad.
Dahil dito, nagtanong ang netizens kung bakit tila mabagal ang delivery ni Mavy sa nasabing gabi.
Sa isang Facebook post, direktang sinabi ni Mavy na ito ay dahil sa isang technical difficulty umano sa live event.
Baka Bet Mo: Mavy Legaspi, Ashley Ortega palaban sa intense, intimate scenes
“We experienced the worst microphone delay and could literally hear our voices echo in the venue which made it difficult to talk,” sey ni Mavy.
Humingi rin siya ng paumanhin sa mga manonood at ipinakita ang pasasalamat sa kanilang pagtitiyaga sa kabila ng problema.
“I would like to apologize if I sounded slow at times during our online live session on YouTube & Facebook. We did our best even if it was really difficult because of the sound delay. Thank you for being patient with us!” mensahe pa niya.
Para sa lighter side, nag-share si Mavy ng candid photo at inaming na-cringe din siya sa nangyari.
Caption niya, “OMG cringe nga! Anyway, thank you for supporting PBB Collab 2.0. It was a very successful night. Congrats Caprice & Lella! Love you all!”
Sey pa niya sa Instagram Live: “Yes, it was a cringe moment of mine. We all have those moments. At that point, hindi naman ako kinakabahan. I was very confident, very much enjoying that day.”
Binigyang-diin din ng young actor na wala siyang sinisisi sa nangyari at ipinaliwanag ang unpredictability ng live TV.
“Wala akong sinisisi…Again it was a live show, anything could happen. Us host, we do our best to just give it our best no matter what happens. Nagkaroon ng malfunction, nagkaroon ako ng cringe moment,” aniya.
“My first instinct obviously was to speak slowly because akala ko sa livestream naririnig yung delay…After every break tinatanong ko yung production if okay ba ‘yung register online. Sinasabi nila ‘Okay naman, good job. Continue mo lang’ so that’s what I did,” kwento pa ng aktor.
Hindi rin nakalimutang purihin ang kanyang co-host: “With that, kudos to my co-host Alexa. She did a wonderful job adjusting sa mga nangyayari. She is so professional and she handled it really well. I’m sure she is used to that and ako naman, nagkaroon ng cringe [moment] for that 1 minute na sobrang naging malala yung delay.”
Sa kabila ng mga kritisismo, nagbiro na lamang siya at sinabing: “It was funny to watch.”
Si Mavy ay kabilang sa mga Kapuso hosts ng celebrity collab edition, kasama sina Gabbi Garcia at ilang Kapamilya hosts.
Nagtapos ang “Pinoy Big Brother: Celebrity Collab Edition 2.0” sa Big Night na sina Caprice Cayetano at Lella Ford ang Big Winners.
Sina Heath Jornales at Krystal Mejes ang Second Big Placers, sina Ashley Sarmiento at Joaquin Arce ang third, habang sina Princess Aliyah at Miguel Vergara ang Fourth Big Placers.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.