Joey Reyes nagbabala sa ‘fake’ audition na pinaghuhubad mga biktima
MAG-INGAT sa mga pekeng audition na kumakalat online, lalo na ‘yung mga gumagamit ng pangalan ni FDCP Chair at CEO Joey Javier Reyes, pati na rin ng ilang kilalang talent agencies.
Bakit? Dahil may mga scammer na inuutusang maghubad ang sinumang kakagat sa kanilang fake audition!
Sa panayam ng INQUIRER, sinabi ni Direk Joey na may kumakalat na pekeng audition invites sa mga messaging apps tulad ng Viber at Facebook Messenger.
Kwento ng FDCP chair, unang ginamit ng mga scammer ang pangalan ng kanyang pamangkin na film director at screenwriter na si Mark Reyes bago siya.
Baka Bet Mo: Joey Reyes todo-tanggol kina PBBM at FL Liza Marcos, naglabas ng ‘resibo’
“Pina-report ko sa Film Academy, kasi ’yun ang teritoryo ng film development, ‘yung mga issues na ganiyan. Paolo Villaluna and the legal department of the Film Academy are addressing that problem already,” sey niya.
Pero kahit na na-report na ang unang batch ng scam, tuloy pa rin ang mga pekeng mensahe.
Ngayon, kasama na rito ang mga pangalan ng mga kilalang tao sa industriya tulad ni Roselle Monteverde ng Regal Entertainment, pati na rin ang isang project na diumano’y ididirek ni Joey.
“I said, that’s not true because right now, because of my work at FDCP, I really cannot make movies because I do not have the time, despite the fact that I’ve been getting permission to shoot from the board members. I reported it to the Film Academy again,” dagdag pa niya.
Maya-maya, nakatanggap pa siya ng mensahe mula kay Yen Durano ng Vivamax tungkol sa isa pang pekeng audition invite.
Pinaalalahanan ni Joey ang mga aspiring artists na mag-double check at maging maingat sa mga casting calls, lalo na kung may request na maghubad sa Zoom.
“Huwag basta Zoom ng Zoom kasi nire-record ‘yan, lalo na magtaka sila sa oras na pinaghubad sila,” wika pa ni Direk Joey.
Giit pa niya, “First of all, you don’t accept Zoom calls or meetings unless you verify first with your management.”
Ayon sa FDCP chief, nakikipagtulungan na ang Film Academy of the Philippines sa NBI para tugunan ang ganitong scam.
“Walang masama na magkaroon ng ambisyon. Pero mag-iingat kayo lalo na sa mga tao na humihingi ng mga video ninyo,” paalala niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.