Rita Daniela pinilit maging ok matapos ang ginawa ni Archie Alemania, nagpa-therapy

INAMIN ng Kapuso actress na si Rita Daniela na sumailalom siya sa maraming therapy sessions matapos ang ginawang pangha-harass sa kanya ng aktor na si Archie Alemania.

Kuwento ng singer-actress, mas maayos na siya ngayon kaysa noong nakaraang taon na fresh pa ang mga pangyayari.

Pinilit nga ni Rita na maging nasa mas maayos na lagay para sa kanyang anak na si Uno.

“I’m doing so much better and it’s not easy to be in this position now. As much as I want to give time for myself na wag sana magmadali, pero I have to kasi I have Uno,” pagbabahagi ng aktres.

Baka Bet Mo: Rita Daniela may trauma pa rin sa naranasang sexual harassment

Pagpapatuloy pa niya, “Hindi naman pwedeng ganun nalang ako forever–– pinilit ko maging okay.”

Ani Rita, hindi sapat ang kanyang pagiging bukas sa kaniyang pamilya st mga kaibigan upang mag-heal mula sa naranasan kaya kinailangan niya ng therapy.

“I’ve had therapies, I went back to therapies actually. Hindi siya basta lang sabihin mo na kumausap lang ako ng kaibigan o kasama ko lang yung pamilya ko. Kailangan kong pagdaanan yun para malagpasan ko at makapunta ako kung nasaan ako ngayon,” sey ng aktres.

Matatandaang noong nakaraang taon nang maghain si Rita ng reklamo laban kay Archie dahil sa pambabastos nito sa kanya.

Matapos ang ilang buwang paglilitis ay nanalo ang aktres sa kaso. Ibinahagi niya sa kanyang Instagram page kung gaano siya kasaya sa nakuhang hustisya.

Sey ni Rita, “The justice I received today is not just for me. This is also for all the women and men who were abused, harassed, and molested that didn’t have the voice and platform to fight for their own rights.

“So, I am celebrating this justice with you. Today, we all won. We won. God loves us.”