2025 Bar examinees exempted sa coding sa Sept. 10
EXEMPTED sa number coding scheme sa September 10 ang lahat ng kukuha ng 2025 Bar exams!
Ito ay ayon mismo sa anunsyo ng Metropolitan Manila Development Authority (MMDA) sa isang Facebook post kamakailan lang.
“To ensure that examinees are able to arrive at their respective testing venues without undue delay,” paliwanag ng ahensya.
Maglalabas ng coding exemption ang Korte Suprema para sa mga examinee na bibiyahe papunta at pauwi mula sa mga local testing centers (LTCs) sa Manila, Taguig, Quezon City, at Muntinlupa.
Baka Bet Mo: ALAMIN: Top 20 Traffic Violations ng MMDA at katumbas na multa
Ang mga kabilang sa LTCs sa mga nabanggit na lugar ay ang University of Santo Tomas, San Beda University – Mendiola, New Era University, Manila Adventist College, San Beda College – Alabang, University of the Philippines – BGC, ay Ateneo de Manila University School of Law.
Paalala ng MMDA, dapat ilagay ang coding exemption sa gitna ng rear windshield ng sasakyan para makilala agad.
Babala nila, kapag hindi ito nakita ay hindi na ito magiging valid.
“The UVVRP exemption notice must be printed and displayed in the vehicle as required. Failure to prominently display the exemption notice shall be deemed a waiver of the number coding exemption,” ani pa ng MMDA.
Gaganapin ang 2025 Bar exams sa Setyembre 7, 10, at 14.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.