David Licauco ibabandera galing sa basketball sa FIBA 3×3 Lite Quest!
KUNG akala ninyo hanggang sa TV at pelikula lang makikita si David Licauco, aba, nagkakamali kayo!
Dahil heto na nga, sasabak na rin si Pambansang Ginoo sa mundo ng hardcore basketball, kung saan sasali siya sa Pilipinas United 3×3 League (PUL) na under ng FIBA 3×3 Lite Quest.
“David Licauco will be playing in one of the teams, Taho Story. Nung una initially one game lang siya maglalaro pero I heard ngayon he will play the entire tournament. I’m sure everybody’s looking forward to seeing him play,” sey ni PUL commissioner Eric Altamirano sa ulat ng GMA.
Ang mga makakasama ni David sa kanyang team ay ang pro players na sina Louie Vigil, Gryann Mendoza, at Sierra Leone import Tosh Sesay.
Baka Bet Mo: David Licauco inireklamo sa barangay dahil sa ‘ding-dong ditch’
Ang PUL men’s division ay binubuo ng 10 teams: dalawa mula sa Taho Story, anim na lokal, at apat na banyagang tropa.
Ang grand winner ay makakakuha ng USD 5,000 o mahigit P290,000 plus ticket papuntang FIBA 3×3 Kaohsiung Challenger sa Taiwan ngayong Oktubre.
Samantala, ang best local team naman ay represent sa FIBA 3×3 Manila Challenger sa Septyembre.
Ang bakbakan sa basketball ay gaganapin sa August 23 at 24 sa Ayala Malls Manila Bay.
At para sa mga hindi aware, marunong talagang mag-basketball si David.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.