VP Sara Duterte binengga ni Antonio Tinio: ‘Worst DepEd secretary ever!’
BINATO ng maaanghang na salita ni House Deputy Minority Leader at ACT Teachers Party-list Rep. Antonio Tinio si Vice President Sara Duterte.
Hindi pinalampas ng kongresista ang naging pahayag ng bise presidente na hanggang ngayon ay “paper and pencil” level pa rin ang edukasyon sa Pilipinas.
Naging Department of Education (DepEd) secretary si Vice President Sara mula June 30, 2022 hanggang July 19, 2024.
Ayon kay VP Sara sa “Hakbang ng Maisug” event nitong nagdaang August 15, sa Kuwait, nangungulelat na sa buong mundo ang Pilipinas pagdating sa edukasyon.
Nagsisimula na raw kasing magturo ng robotics at coding sa mga batang may edad tatlo o apat sa iba’t ibang bansa habang marami pa ring estudyante sa bansa ang hindi pa rin marunong bumasa.
Base sa isinagawang pag-aaral noong 2019, 90% ng mga batang nasa Grade 5 ang hindi nakababasa sa antas na inaasahan. Nasa 83% naman ang mga mag-aaral na nahihirapan pa rin sa matematika.
Kasunod nga nito, sinagot ni Tinio ang naging pahayag ni VP Sara at matapang pang tinawag na “worst DepEd secretary ever.”
Sabi ng kongresista, nabigo rin ang DepEd sa ilalim ng pamumuno ni Duterte, na makapag-supply ng sapat na mga kailangang libro sa mga mag-aaral.
Ito’y base na rin sa inilabas na report ng Congressional Policy and Budget Research Department (CPBRD) na nagpahayag na nasa 17% lamang ang disbursement rate ng programa para sa textbooks.
“Vice President Duterte has the audacity to criticize the education system when she herself is the worst DepEd secretary ever.
“VP Duterte even failed to deliver even a tiny fraction of what was expected of her during her tenure as Education Secretary,” ani Tinio.
“Walang karapatan magreklamo ang taong hindi nagtrabaho. How can she complain about our students lacking access to modern technology when she couldn’t even ensure they had basic textbooks and learning materials?
“Paano niya nasabing kulang tayo sa teknolohiya eh hindi nga niya naibigay ang mga pangunahing pangangailangan ng mga estudyante?” pagpapatuloy pa ng kongresista.
Matapang na sabi pa ng party-list representative, “Mas inatupag pa niya ang confidential funds sa DepEd sa halip ang learning crisis. You are definitely the worst DepEd secretary ever!”
“Under her watch, school-based feeding programs achieved only 48% implementation while billions of pesos allocated for education remained unutilized.
“Ang mga batang gutom at walang aklat, paano matututo ng robotics at coding?
“She speaks of high school students who cannot read, but conveniently ignores that this learning crisis worsened under her leadership.
“The UNICEF statistics she cites are an indictment of her own performance, not just the educational system,” litanya ni Tinio.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.