VP Sara nakisimpatya kay Barzaga: Ilang beses din akong tinawag na baliw, bobo

“MAHAL ka ng Diyos, mga Caviteño, mga Dabawenyo, mga agila at ng mga pusa!” ang mensahe ni Vice President Sara Duterte kay dating Cavite 4th District Rep. Kiko Barzaga.

Matapos mapatalsik bilang miyembro ng Mababang Kapulungan ng Kamara, nag-post ng open letter sa social media ang bise presidente para kay Barzaga.

Mababasa ito sa kanyang Facebook page kung saan naging bukas si VP Sara sa pagpaparamdam sa kontrobersyal na kongresista ng kanyang suporta at pagmamahal.

“Being different is okay. 

It takes grit to be yourself in a world that rewards conformity. Not everyone will understand your choices or the path you take, and that’s okay.

“What matters is staying true to who you are and what you believe in,” simulang mensahe ni VP Sara kay Barzaga.

Pagpapatuloy pa niya, “Ako man ay itinuturing na kakaiba. llang beses na akong tinawag na baliw, bobo, at kung anu-ano pa dahil lamang sa pagtangging sumunod sa nakasanayan.

“You are different because you have never been convicted of child abuse, never brought home ‘maletas’ of public funds, never allowed cocaine and alcohol to flow from your office, and never said yes to corruption and oppression.

“Walking alone is okay, too. It takes courage to charge forward even if no one will follow you.

“Your resolve is a daily reminder that character matters more than conformity. The strength you show inspires more Filipinos than you may ever know,” sabi pa ni VP Sara.

Pinaalalahanan pa niya si Barzagana uminom ng maraming tubig at huwag kalimutang mag-take lagi ng Vitamin C para gumaling na sa kanyang sakit.

Kung matatandaang napatalsik si Barzaga sa Kongreso sa botong 265 pabor, 14 tutol, at 8 abstention. Inaprubahan ng Kamara ang rekomendasyon ng Committee on Ethics and Privileges na tanggalin si Barzaga sa kanyang puwesto dahil sa umano’y paulit-ulit na paglabag sa mga pamantayan ng asal ng isang miyembro ng House of Representatives (HOR).