Pilipinas magho-host ng 2025 FIVB Men’s Volleyball World Championship
EXCITING ang upcoming sports event sa Pilipinas dahil sa kauna-unahang pagkakataon, gaganapin sa ating bansa ang 2025 FIVB Men’s Volleyball World Championship!
Kamakailan lang, nagkaroon ng bonggang 30-day countdown kung saan present ang volleyball fans, players, at special guests para sa launching na mala-concert ang vibes.
Ipinakilala riyan ang opisyal na event soundtrack, ang super-cute na mascot, at siyempre ang pasilip sa mala-bituing trophy na magtu-tour pa sa iba’t ibang lugar nationwide.
Mangyayari ang championships sa darating na September 12 to 28 sa SM Mall of Asia Arena sa Pasay City.
Baka Bet Mo: LIST: Pasabog na K-Pop, concerts, sports babandera sa MOA Arena sa Agosto
At heto pa mga beshie, pagdating ng mismong tournament na gaganapin sa MOA Arena ay gagawin ang pool at finals phase sa world-class na venue na kayang maglamon ng hanggang 20,000 katao!
International standards ang peg na may high-tech lighting, killer acoustics, at susyal na seating areas.
Sabi nga ni Arnel C. Gonzales, Vice President at General Manager ng SM Mall of Asia Arena: “We are honored to host the FIVB Men’s Volleyball World Championship for the first time. This is not just a game, it is history in the making.”
O ha, hindi lang ‘yan, pasabog agad sa opening day dahil may pa-concert ang K-pop sensation BOYNEXTDOOR bago magbakbakan ang Alas Pilipinas kontra Tunisia!
Witness volleyball history live at ang tickets ay available na sa smtickets.com.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.