Ivana Alawi, Albee Benitez, 2 aktres abswelto sa kasong pangangaliwa  

IBINASURA ng Makati City Prosecutor’s Office ang kasong isinampa ng dating asawa ni Bacolod City Rep. Albee Benitez na si Nikki Lopez kaugnay ng usaping “pangangaliwa”.

Sa 20-pahinang resolusyon, sinabi ni Assistant City Prosecutor Mikhail Maverick Tumacder na bigo si Lopez na makapagsumite ng sapat na ebidensiya sa reklamong paglabag sa Republic Act 9262 o Anti-Violence Against Women and Their Children Act of 2004 laban kay Rep. Benitez.

Inakusahan si Benitez ng umano’y pakikipagrelasyon sa ibang mga babae, kabilang na riyan ang aktres na si Ivana Alawi.

Sa kanyang complaint affidavit, nabanggit ni Lopez na naapektuhan ang kaniyang mental health sa pagkakaroon daa ng “anak sa labas” ni Benitez sa isang aktres at sa isang dating beauty queen.

Hindi raw nakapagbigay ng sapat na ebidensya para mapatunayang nagkaroon ng relasyon ang kanyang asawa sa dalawang female celebrity.

Wala rin daw naisumiteng pruweba si Lopez kaugnay ng umano’y relasyon ng dating mister kay Ivana. Puro news articles, litrato, at testimonya ng kanyang kapatid ang nasa complaint na sapat para sumampa ang kaso sa korte.

“To accept the same as gospel truth, without corroborating sworn statements to explain what is being depicted in these photographs, is a dangerous precedent. 

“The evidence submitted does not constitute sufficient proof to charge  someone with a criminal indictment,” bahagi ng resolusyon.

Matatandaang itinanggi ni Cong. Albee ang umano’y relasyon nila ni Ivana sa “Ogie Diaz Showbiz Update”, “As for recent personal matters, I kindly request understanding and respect for privacy to shield all innocent parties involved. 

“In my private capacity as a film and TV program producer, my professional interaction with various celebrities is inherent to the nature of the business. At this moment, my primary focus is on safeguarding the interests of Bacolod City,” sabi ng kongresista.

Mariin ding dinenay ni Ivana na may relasyon sila ni Albee sa pamamagitan ng kanyang vlog. Hindi raw niy gawaing manira ng pamilya.