Morissette magpapasiklab sa ika-15th anniversary concert sa Oct. 28

Morissette Amon

KASABAY ng ika-15th anniversary sa music industry, magkakaroon ng bonggang solo concert si Asia’s Phoenix Morissette Amon!

Ang engrandeng pagdiriwang ay pinamagatang “Ember” na gaganapin sa Smart Araneta Coliseum sa darating na October 28, 8:00 p.m.

Ayon sa press release na ipinadala sa amin, asahan sa solo concert ang “soaring vocals, raw emotion, and unforgettable moments—Morissette is not just looking back on 15 brilliant years, she’s setting the tone for her next chapter.”

Mukhang sabik na sabik na nga rin ang fans sa kanyang concert, dahil matapos ang official announcement sa ASAP Live birthday production nitong weekend, nag-trending agad sa X (dating Twitter) ang hashtags na #AsiasPhoenix15thAnniv at #HappyBirthdayMorissette.

Baka Bet Mo: Morissette nakipag-ayos na sa pamilya: Reconciliation…thank You Jesus

Wala pang opisyal na detalye tungkol sa ticket prices at selling dates, as of this writing.

Ang event ay produced by Underdog Music and Gabi Na Naman Productions (GNN).

Kung matatandaan, taong 2018 pa ang huling concert ng singer na pinamagatang “Morissette Is Made.”

Samantala, mula sa kanyang powerhouse na simula sa The Voice of the Philippines hanggang sa pagbabahagi ng entablado kasama sina Michael Bolton at Disney legend Alan Menken, patuloy na pinatutunayan ni Morissette na hindi lang siya basta singer.

Dahil bukod sa anniversary concert, ang singer ay nakatakda ring bumida sa musical film na “Song of the Fireflies” na magpe-premiere sa darating na June 25.

Ang latest release din niya ay ang pasabog na collaboration track na “Ahon” kasama ang December Avenue.