Ogie Diaz sa mga boboto sa artista: Check kung may nagawa sa bayan

NAGBIGAY ng advice ang talent manager at showbiz insider na si Ogie Diaz sa madlang pipol tungkol sa pagboto ng artistang kumakandidato

Sa kanyang Instagram stories ay pinaalalahanan niya ang madla lalo na’t ilang araw na lang ay gaganapin na ang midterm elections.

“Kung boboto kayo ng artista, check [ninyo] mabuti kung [may] mga nagawang mabuti sa bayan o may mga naipasang batas na pinakikinabangan ng bayan, lalo na yung mga tumatakbong senador,” saad ni Ogie.

Bukod pa rito, sinagot rin ng talent manager ang mga nagtataka kung bakit may mga artistang kumakandidato na hindi man lang sinusuportahan ng kapwa artista para ikampanya sa publiko.

Baka Bet Mo: Ogie Diaz kay Aiko: Wag na wag kang papalamon sa sistema ng pagkabuwaya

 

View this post on Instagram

 

A post shared by Bandera (@banderaphl)

“Ako na po ang sasagot: Pangit ang ugali no’n, salbahe, o kaya ay alam ng buong industriya na hindi makakatulong sa bayan,” sey ni Ogie.

Dagdag pa niya, “Kaya [kaysa] ikampanya sila para ‘wag iboto, quiet na lang ang mga taga-industriya.”

Isa si Ogie sa mga aktibo sa social media at nagbibigay ng kanyang platform sa mga kumakandidato sa pamamagitan ng kanyang vlog upang mas maiparating ng mga candidates sa madla ang kanilang mga plano at ang mga patuloy na gagawin sa oras na maluklok sa pwesto.

Sa kabila nito ay sinasala naman niya ang kanyang mga guests at mga kinakampanya at ang binibigyan lamang niya ng chance ay ang sa tingin niya’y may magandang hangarin para sa bayan.