Dani may ‘patama’ sa mensahe para kina Claudia at Basti matapos ikasal
Dani Barretto; Claudia Barretto, Basti Lorenzo
MAINIT ang naging pagbati ni Dani Barretto para sa kanyang kapatid na si Claudia Barretto at kay Basti Lorenzo.
Ito ay matapos silang ikasal noong April 8 sa St. James The Great Parish, Ayala Alabang Village sa Muntinlupa City.
Sa Instagram, ibinahagi ni Dani ang emosyonal na mensahe para sa bagong kasal, kalakip ang tila patama sa gitna ng kontrobersyang bumalot sa okasyon.
“Congratulations on this incredible milestone, 10 years in the making. Your love, patience, and commitment have brought you to this moment, and it’s truly something to be celebrated,” bungad niya sa post.
Baka Bet Mo: Claudia ‘no reaction’ sa 2 beses na ‘happy birthday’ ni Dennis, pero nag-‘I love you’ sa message ni Marjorie
Dagdag niya, “Savor every second, hold each other a little tighter, and let your hearts be full. This day is yours, soak in all the joy, the laughter, the love. You deserve every bit of it.”
Pero ang agaw-pansin na bahagi ng kanyang mensahe ay tila may pinatutungkulan: “Don’t let anything or anyone dim the light of this moment. It’s your story, your love, and your forever beginning.”
Matatandaan na tila nagkaroon ng gulo sa kasal nina Claudia at Basti matapos ang naging sentimyento ng ama ng bride na si Dennis Padilla.
Umalma si Dennis dahil hindi siya ang naghatid kay Claudia sa altar, bilang siya naman ang ama nito.
Sa pagtatapos ng mensahe ni Dani, ipinahayag niya ang kanyang pagmamahal sa kapatid: “I wish you both a lifetime of happiness, adventure, and love that only grows deeper with time [red heart emoji] I love you more than words can ever express @claudia [red heart emoji].”
View this post on Instagram
Kahit hindi kabilang sa entourage, may video si Dennis na nagkaroon ng pictorial kasama sina Claudia at Basti sa altar pagkatapos ng wedding ceremony.
Makikita nga rin na kinamayan pa ni Dennis ang kanyang son-in-law.
Ngunit kasunod niyan ay inilahad ng batikang aktor ang kanyang pagkadismaya na mababasa sa kanyang IG account.
Ang mababasa sa post na nakasulat sa yellow pad: “Grabe kayo!! Nabudol n’yo ko. Father of the bride naging visitor!! Galing n’yo!”
Makikita rin na nakalagay sa gilid ng litrato ang katagang, “sagad sa buto.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.