Kristoffer Martin biktima ng hit-and-run: Tiningnan lang ako tapos humarurot
Kristoffer Martin
NABANGGA ng isang rider ang sasakyan ng Kapuso actor na si Kristoffer Martin pero tinakbuhan lang daw siya nito.
Ibinalita ni Kristoffer sa pamamagitan ng kanyang social media account na nabiktima siya ng hit-and-run, nitong Biyernes ng gabi, March 28.
Ayon sa aktor, basta na lamang daw humarurot ang rider ng isang ride-hailing service matapos mabangga ang kanyang minamanehong sasakyan.
Hindi naman nabanggit ni Kristoffer kung saan at anong eksaktong petsa nangyari ang naturang insidente pero ipinost niya ang plate number ng motorsiklong gamit ng rider.
Mababasa naman sa comments section ng kanyang Facebook post, “Tiningnan lang ako tapos humarurot.”
Makalipas ang isang oras ay nag-post uli ang aktor sa comment section, “Hi guys! Thank you sa concerns. Okay po ako. Sasakyan lang yung nadamage.”
Kasunod nito, muling nag-update si Kristoffer tungkol sa nangyari, “Okay na guys. Natrace na. Nasamin na din contact no.”
Sa Instagram Story naman ni Kristoffer, makikita ang kanyang black SUV na nasa car repair shop na.
Kung matatandaan, nabiktima na rin noon ng hit-and-run si Kristoffer noong January, 2014 kung saan dalawang beses daw siyang tinakbuhan ng driver ng nakabangga sa sasakyan niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.