Ara Mina muling susubok sa politika, gustong maging peg si Vilma Santos
Ara Mina at Sarah Discaya
SUSUBUKAN muli ng aktres at singer na si Ara Mina na pasukin ang mundo ng politika ngayong 2025 bilang konsehal sa District 2 ng Pasig City.
Matagal na itong nabalita pero kahapon, Marso 17, Lunes ay pormal na itong inihayag ni Ara at inaming nasa tiket siya ng tumatakbong mayor ng lungsod na si Sarah Discaya o Ate Sarah na katunggali ng incumbent mayor na si Vico Sotto.
Nagkakilala sina Ara at Sarah sa medical mission ng St. Gerrard Construction Charity Foundation na pinamumunuan ng huli hanggang sa tinanong na ang aktres kung type nitong pasukin ang politika lalo’t nalamang tubong-Pasig ang aktres.
“Hindi naman ako um-oo agad, alam ni ate Sarah ‘yun kasi sabi ko magdadasal pa ako, asking for a sign, kausapin ko pa ang pamilya ko, so, mga three months pa bago ako nakabalik sa kanya (sabay tingin kay Sarah) para mag-decide to run,” kuwento ni Ara.
Hindi rin kagulat-gulat kung papasukin ni Ara ang politika dahil kilala siya sa buong showbiz na matulungin sa mga nangangalaingang taga-media at mga kapwa nito artista at higit sa lahat ay dati na siyang kumandidato noong dalaga pa siya sa lungsod ng Quezon City pero hindi pinalad kaya ngayong may nag-alok ay hindi na niya ito pinakawalan.
View this post on Instagram
Natanong ang aktres kung mananalo siya ay hihinto na siya sa showbiz para bigyan ng panahon ang pagiging public servant.
“Hindi naman, kung baga ang showbiz nandiyan ‘yan, eh, hindi mawawala ‘yan. Siyempre magpo-focus tayo dito (serbisyo publiko) pero tulad nga ng sinabi ko meron pa kasi akong movie na hindi natapos at tatapusin after eleksyon.
“Madali na namang gawin ang isang movie ngayon hindi tulad noon na eight months (inaabot) pero ngayon ilang days na lang natatapos na ang isang movie,” sagot ni Ara.
At dito niya nabanggit ang pangalan ng ninang Vilma Santos-Recto niya na nagagawa nitong mag-showbiz kahit nagsisilbi noon sa Batangas.
“If there is a good offer (tatanggapin) parang si Ninang Vilma, di ba? Nakakagawa rin siya ng movie once in while kahit nakaupo siya pero naka-focus siya sa public service.
“So, siguro ganu’n, we never know bahala na si Lord pwero magpo-focus ako sa public service kapag tayo’y nanalo,” seryosong kuwento ni Ara.
Say naman ni Sarah, “Ang common sa amin ay ‘yung sister ni Ara na may special needs and all of our kids has clinically diagnosed with ADHD (attention-deficit/hyperactivity disorder), so, very close to our hearts ang mga PWD (person with disability) na makabigay tayo at makabigay ng programa.”
Sabi naman ni Ara, “Kaya number one sa amin ni Ate Sarah ang PWD dahil nga sa mga kids niya at ako nga dahil kay Nina, kay Batsing. Di ba kaya ako nagkaroon ng foundation at advocacy na kaya ako nag-start tumulong because of my sister.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.