Chloe San Jose at Carlos Yulo
IBINANDERA ng 2-time Olympic gold medalist na si Carlos Yulo ang kanyang pasasalamat sa lahat ng blessings na natanggap niya nitong mga nagdaang taon.
Kasabay ng selebrasyon ng kanyang 25th birthday nitong nagdaang February 16, nagbahagi ng mensahe si Carlos ng mensahe para sa lahat ng mga nagmamahal at sumusuporta sa kanya.
Sa kanyang Instagram page, nagbahagi ng ilang litrato si Caloy na kuha sa pagbabakasyon nila ng kanyang girlfriend na si Chloe San Jose sa Ho Chi Minh City, Vietnam.
“Maraming salamat po Lord sa mapagpalang kaarawan!” simulang pagbabahagi ni Caloy sa caption ng kanyang post.
Patuloy pa niya, “Sa lahat ng pagsubok, blessings, experiences sa buhay at sa mga taong ipinalibot n’yo po sa akin upang ako ay suportahan, tanggapin at higit sa lahat ay mahalin, lubos po akong nagpapasalamat.
Baka Bet Mo: Nanay ni Carlos Yulo sinisi dyowa ng anak: Inilalayo sa amin si Caloy
“Happy birthday loy! Proud and happy ako sa yo!” ang mensahe pa ng Pinoy pride sa sarili.
Kasunod nito, nagbigay din ng mensahe si Chloe San Jose para sa kaarawan ng kanyang boyfriend na tinawag pa niyang “favorite person”.
“To my favourite person in the universe and my heart’s biggest blessing, happy 25th birthday mahal ko.
“I wish you nothing but the best and the fulfillment of every dream you hold close to your heart.
“I’m beyond grateful to love you, laugh with you, and grow with you—thank you Lord God. Here’s to more birthdays to come and celebrate together, forever,” aniya pa.
Nito lamang nagdaang January, itinanghal si Carlos bilang 2024 Athlete of the Year ng Philippine Sportswriters Association (PSA) matapos magwagi as the first-ever Filipino Olympian na nakapag-uwi ng dalawang gold medal sa Pilipinas mula sa 2024 Paris Olympics (floor exercise and vault events).