Charyzah Esparrago kinoronahang Miss Supermodel Worldwide PH 2025
PHOTO: Instagram/@c.harayzah
PARA sa Quezon City pride na si Charyzah Esparrago, tila nakatadhana ang tagumpay nang makuha niya ang sunod-sunod na special awards sa coronation night ng Miss Supermodel Worldwide Philippines 2025.
Sa huli, siya ang itinanghal na reyna ng gabi!
Ang Communications Research graduate mula sa University of the Philippines (UP) Diliman ay pinutungan ng korona noong Biyernes, January 24, sa Newport Performing Arts Theatre sa Pasay City, kung saan tinalo niya ang 13 pang kandidata.
Ilan pa sa mga hinirang na reyna ay sina Angel Nocidal Laure bilang Miss Teen Supermodel Worldwide Philippines 2025, first runner-up Mher Karizze Narciso, second runner-up Doreen Ahuja, at third runner-up Ailliza Patricia Juare.
“I felt really honored,” sey ni Charyzah matapos ang kanyang pagkapanalo sa ulat ng INQUIRER.
Baka Bet Mo: Catriona Gray napiling judge sa reality show na Supermodel Me; may movie offer kasama si Sam Milby
Patuloy niya, “But honestly, I was surprised every single time because every girl worked so hard. They were all deserving. When the sash was on me, I felt all of the support and my hard work being recognized.”
Sa kabila ng kanyang malakas na performance, inamin ng newly-crowned beauty queen na hindi niya inasahan ang pagkapanalo at gusto lang daw niyang namnamin ang bawat sandali ng pagrepresenta sa Quezon City.
Hindi na bago si Charyzah sa mundo ng pageantry dahil noong 2020, siya ay kinoronahan bilang Binibining Quezon City Karunungan at isa sa mga nanalo sa Head to Head Challenge ng Miss World Philippines noong 2022.
Ngayon, excited na siyang irepresenta ang Pilipinas sa Miss Supermodel Worldwide 2025, na gaganapin din dito sa bansa ngayong taon.
“I am so excited for my first international pageant to be here in the Philippines,” sambit niya.
Dagdag pa ng beauty queen, “It is a great opportunity for our tourism. It’s a great chance to showcase our fashion designers, creatives, photographers, makeup artists, and hairstylists. They bring beauty to beauty pageants.”
Aniy pa, “It’s a lot of pressure but it will make me work harder, train more, and hopefully, do my best on that stage to bag that crown.”
Ang mga iniuwing parangal ni Charyzah ay ang Supermodel Best Speaker, Darling of the Press, Runway Supermodel, Miss Wacoal, Miss IGEM Crystals, Miss House of Pia Mondo, Miss Gold’s Gym, Miss Charity, Best in Swimsuit, Best in Evening Gown, at Best in Filipiniana.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.