Mon Confiado, Rhed Bustamante at Gina Alajar
INILABAS na ng kontrobersiyal na producer at direktor na si Darryl Yap ang pinakaaabangang trailer ng bago niyang pelikula, ang “The Rapists of Pepsi Paloma.”
Sa official Facebook page ng pag-aari niyang production company na VinCentiments in-upload ang naturang trailer kung saan mapapanood ang ilang highlights ng pelikula.
Ito’y pinagbibidahan ng teen star na si Rhed Bustamante na gaganap sa karakter ng yumaong sexy star na si Pepsi Paloma na sumikat noong dekada 80.
Ang caption na nakalagay sa post ng VinCentiments, “THE TRAILER OF THE TRUTH.
Baka Bet Mo: Boss Vic tinanggihan ang Pepsi Paloma movie ni Darryl dahil sa TVJ?
“Para sa ika-40 anibersayo ng kamatayan ni #PEPSIPALOMA.
“Abangan ang THE RAPISTS OF PEPSI PALOMA #TROPP #TROPP2025. FEBRUARY 5 • CINEMAS ONLY.”
Bukod kay Rhed, makikita rin sa inilabas na trailer ang iba pang artistang kasal sa pelikula, kabilang na sina Gina Alajar na gumaganap bilang Charito Solis at Mon Confiado as Rey Dela Cruz na pinuri agad ng mga netizens sa akting niya bilang manager ni Pepsi.
Nakita rin namin sa video si Beverly Salviejo na gaganap bilang si Monica, ang showbiz talent scout na siyang nagpakilala kay Pepsi kay Rey dela Cruz, at si Shamaine Buencamino as Lydia Duena Whitley, as Pepsi Paloma’s mother.
Kapansin-pansin naman na wala są trailer ang inilabas na teaser ng pelikula na naging dahilan ng pagsasampa ng cyberlibel case ni Vic Sotto laban kay Darryl kung saan diretsahang binanggit ang pangalan ni Bossing kaugnay ng kaso ni Pepsi.
Kaka-upload pa lang ni Direk Darryl ng nasabing trailer sa FB ay sandamakmak na agad ang nagkomento rito. Narito ang ilan sa mga reaksyon ng netizens.
“Mon Confiado shines well in this trailer. But I still have to see the full movie to see how good this project is.”
“So far so good – even the side-by-side IRL drama.”
“Nice movie Direk, susuportahan ka ng buong Dabarkads.”
“Only two things will happen there, Pag nanalo si Vic sotto sa kaso, Wala parin makakamit na hustisya Ang biktima, Pero pag matagumpay na naipalabas Ang movie panigurado papatok ito at pipilahan ng buong pilipinas sa takilya and many people will admire him, as a talented and BRAVE director.”
“Proud of you direk buong tapang isisiwalat Ang hubad na katotohanan.”
“Grabe talaga magdala ng karakter si Sir Mon Confiado napaka propesyonal! Ito yung aktor na inaabangan ko kung paano mag portrait ng isang tao eh… Mahusay!!”
“Sobrang sakit Ang dinanas ni Pepsi paloma.”
“EYY sheet nkka kilabot sobrang galing direk.”
“Nawala yung trailer kay Vic Sotto inalis na ata sa movie.”