FINALLY ay may baby girl na ang dating Sexbomb member na si Sunshine Garcia at ang asawa nitong si Alex Castro matapos isilang ng una ang kanilang thircd child na si Baby Alynna.
Ang masayang balita ay ibinahagi mismo ni Alex sa kanyang Instagram page noong Huwebes, January 9.
Kalakip nito ay ang larawan niya habang karga ang baby pati na rin ang larawa nilang tatlo ni Sunshine matapos ang panganganak.
“Thank you Papa God. Welcome to the world my Unica Hija, Alynna,” saad ni Alex sa kanyang caption.
Nagbahagi rin si Alex ng kanilang moments together ng anak nila ni Sunshine sa pamamagitan ng kanyang Instagram stories.
Sa kabila nito ay hindi pa isinasapubliko ng mag-asawa ang araw ng kapanganakan maging ang mukha ng kanilang anak.
Matatandaang isang araw matapos ang kanyang 40th birthday ay inanunsyo ni Sunshine ang kanyang pagbubuntis noong September 2024.
“Forty and preggy. Parang kailan lang, 40 na agad and preggy ulit? Totoo na ito bunso na talaga yan,” saad ng dating SexBomb member.
May dalawang anak pa sina Sunshine na sina Axel at Alexander na ipinanganak noong 2018 at 2021 respectively.