MULI na namang umariba ang Pambansang Marites na Lalaki na si Xian Gaza at napagtripan ang isa sa mga miyembro ng P-pop girl group na BINI na si Maloi Ricalde.
Sa isa sa kanyang Facebook post nitong Huwebes, January 9, ibinahagi nito ang kanyang opinyon tungkol sa viral photo at video ng dalaga habang papatawid ito sa kalsada kasama si Rico Blanco.
“Maloi, wala akong pake sa thingy niyo ni Rico kesyo work ba yan o personal. Buhay niyo yan. Parehas naman kayong single,” panimula ni Xian.
Ngunit ibang bagay ata ang nagpabagabag sa isip ni Xian at ito ay ang pagsusuot ng shades ng dalaga.
Baka Bet Mo: BINI Maloi pumalag sa chikang may relasyon sila ni Rico Blanco
Hirit niya kay Maloi, “Walang mali diyan kesyo ma-issue pa kayo romantically. Ang akin lang eh bakit ka naka-shades sa gabi? Jejemon ka ba?”
Marami naman sa mga fans ng BINI member ang to the rescue para ipagtanggol ang kanilang idol laban kay Xian.
“Hindi ako si Maloi pero jejemon ako. Fight me,” saad ng isang netizen.
Comment naman ng isa, “clout nanaman sha.”
“Wala ka na namang magawa. Pati si Maloi pinagkakakitaan mo. Uwi ka muna sa Pilipinas.”
Matatandaang nitong Huwebes, January 9, naisulat namin dito sa Bandera ang pang-iintriga ng mga netizens matapos mispatang magkasama sina Rico at Maloi sa La Union.
Kumalat kasi sa social media na diumano’y may something sa pagitan ng dalawang mang-aawit.
Ngunit agad na pinabulaanan ni Maloi ang mga kumakalat na intriga at sinabing “STOP SPREDING FAKE NEWS. PLS LANG.”
Hindi lang naman sila ang magkasamang nagbabakasyon dahil base na rin sa mga Instagram stories ay kasama nila sina Pat at Agnes ng Ben&Ben pati na rin sina Zild at Blaster ng “Four of Spades” at pati ang photographer na si Shaira Luna.