Nadine Lustre with Christophe Bariou, Mali
DESERVE ni Mali ang respeto!
Ito ang reaksyon na nais iparating ng animal advocates na sina Nadine Lustre at boyfriend nitong si Christophe Bariou nang mabalitaang naka-display sa Manila Zoo ang preserved body ng yumaong elepanteng si Mali.
Dismayado kasi sila sa ginawang ito ng nasabing zoo matapos itong sumailalim sa taxidermy.
“Mali’s legacy deserves respect, not display. Let her rest in peace!” sey ni Nadine sa Instagram Story.
Ni-repost din niya ang naging pahayag ni Christophe na ipinapakita ang parehong sentimyento ng ilang netizens.
Baka Bet Mo: Maynila hihingi ng mga elepante sa Sri Lanka, mga buto ni Mali ipe-preserve
“Even after death, you choose not to show the minimal decency that Mali deserves, despite her lifetime of suffering,” wika ng Filipino-French businessman.
Aniya pa, “Shame on you.”
PHOTO: Screengrab from Instagram Stoyr/@nadine
Para sa kaalaman ng marami, si Mali ang nag-iisang elepante ng bansa na nilagay sa Manila Zoo sa loob ng mahigit apat na dekada.
Dinala ito sa Pilipinas mula Sri Lanka noong 1977 bilang regalo sa dating First Lady na si Imelda Marcos.
Namatay ang elepante noong Nobyembre last year.
Ayon sa chief veterinarian ng nasabing zoo, ang pagkamatay ni Mali ay maaaring sanhi ng heart failure at mayroon din itong cancer na kung saan ay nag-suffer ito mula sa pinsala sa kanyang mga kidney, atay, at pancreas.
Si Mali ang tinaguriang “world’s saddest elephant.”