JUSTIN BIEBER ‘dumalaw’ sa Leyte, mga Pinoy nabwisit

Me kumalat na photos sa social media na talaga namang pinagtawanan nang husto. Ang mga photos kasi ay isang malaking peke. It showed international singer Justin Bieber na nasa Leyte at kapiling ng mga tao roon na nasalanta ni  Yolanda.

Pinalabas sa mga litrato na kuha ang mga iyon sa Leyte. Me mga kasamang bagets si Justin sa shots, meron pa nga siyang kinarga na isang young girl. The photo also showed him na nagtatali ng sintas ng isang bagets.

Galit na galit naman ang photographer na si Noel Orsal sa mga photos. “‘Yung nag edit nito ang kapal ng mukha, gamitin ba ang mga nasalanta ng bagyong Yolanda para lang masabi na concern sa Pilipinas itong Justin.

Naalala nyo ba ang ginawa nito kay Manny Pacquiao. #Manggagamit,” reaksyon niya sa Facebook. “Siguro fan ni bieber yung gumawa nyan! kakahiya sya! indi biro biro yung gamitin nya ang mga biktima ng yolanda ha!!” one guy followed suit.

“Mukhang latino naman ang mga bata eh… hindi Pinoy,” obserbasyon naman ng isa pa. Actually, kuha raw ang mga photos sa Guatemala. Bumisita raw doon ang young pop idol.

Pinalabas na lang siguro na kuha ito sa Yolanda para magkaroon ng ilusyon na mabait si Justin at binisita ang mga batang biktima ni typhoon Yolanda.