PHOTO: Instagram/@bela
NAG-OPEN UP ang aktres na si Bela Padilla patungkol sa kanyang weight-loss journey.
Ayon sa kanya, ito ay “challenging” dahil mayroon siyang polycystic ovary syndrome (PCOS) at hypothyroidism.
Sa pamamagitan ng Instagram Stories, ibinandera ng aktres ang kanyang picture na tinitimbang ang sarili matapos ang bakasyon sa South Korea.
“I was 63 kgs when I arrived,” bungad niya sa post.
Kwento niya, “Working out intensely four to five times a week and eating almost nothing. Now I’m at 57.1kgs (still not my usual 50 to 53 but I’ll take it).”
Baka Bet Mo: Paolo Guico ng Ben&Ben ibinandera ang weight-loss transformation, matindi ang ginawang sakripisyo
Binanggit din ni Bela ang ilang routine niya upang manatiling healthy at fit.
Kabilang na raw riyan ang stretching at breathing exercises tuwing umaga, regular na consultation sa doktor, umiinom ng supplements at kumakain ng tama.
“What works for most people might not work for you. I used to tire myself out in the gym but it was stressing me out more which was making me bloat,” pagbabahagi pa ng aktres.
Aniya pa, “My hypothyroidism and PCOS are making things challenging but I never back down from a good challenge.”
PHOTO: Instagram Story/@bela
Taong 2023 nang sinabi ni Bela na kalusugan ang top priority niya sa buhay: “As we mature, we have to be more mindful about our intake.”
“I’m careful with my diet not only to make myself look aesthetically good, but to also improve the quality of my life,” sambit niya pa noon.
Wika rin niya, “You have to take care of yourself to be able to take care of others. That’s a fundamental thing. We Filipinos like to take care of our families and friends, but you can’t pour from an empty cup.”