KathDen ‘compatible’ sa isa’t isa; Kathryn very open sa bagong pag-ibig?
PHOTO: Instagram/@aldenrichards02
MAY bago nanaman tayong na-discover sa on-screen partners na sina Kathryn Bernardo at Alden Richards!
Ito ay matapos silang sumalang sa isang lie detector drinking game na tinawag na “Let’s Be Honest” ng Rec.Create.
Madali lang ang laro na kung saan ay dapat maging honest sa bawat sagot, at kung mahuling magsinungaling ay kailangan nilang uminom ng isang shot ng alak.
Maraming questions ang inihanda para sa dalawa, pero isa sa mga agaw-pansin ay ‘yung tanong na: “Date to marry or to have fun?”
Ang sagot diyan ni Alden, “Date to marry,” ngunit siya ay nakuryente at iginiit na sira ang lie detector.
Baka Bet Mo: Dominic Roque knows ang hirap ni Kathryn sa ‘HLA’: Congrats Brooo!
Ang paliwanag niya sa kanyang sagot, “Because I’m old. I feel old.”
Para naman daw kay Kathryn, “I would date because I see something in you and I think you’re worth spending my time with.”
“I date to get to know you but if it doesn’t work, no problem. At least alam ko ‘yung gusto ko and I think this is the perfect time to know what I want and who I want. So let’s see, it depends,” esplika ng aktres.
Next naman ay ang tanong na, “Compatible ba kayo?”
“Yes,” ang sagot agad ni Alden, ngunit siya ay nakuryente nanaman.
Dahil diyan, pabirong sinabi ni Kath sa kanya: “You liar!” at sabay tanong na, “Why did you say yes?”
Wika ng aktor, “Well basically, I’ve known Kath for quite some time now. I already know what she wants, how she sees her life.”
“One thing we both have in common is we’re both good people with a good heart with good intentions for other people as well. So I think doon kami nagkakasundo and sa values na meron kami sa mga buhay namin,” ani pa niya.
Bandang huli, inusisa si Kath patungkol sa bagong pag-ibig: “If love were to come in your life right now, would you say ‘hello’ or ‘goodbye’ to it?”
Masayang sambit ng aktres, “Hello, always!”
Aniya, “Kung may ma-o-offer sa’yong love, whether it’s from a boy or from your friends, from your family, always say hello and welcome happiness and love in your life. Yeah, you can never go wrong with that.”
Showing na sa mga lokal na sinehan ang “Hello, Love, Again” ng dalawa at ito ay agad na umariba sa takilya sa unang araw palang ng pelikula.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.