Ice Seguerra
EXCITING ang magaganap na “Videoke Hits: OPM Edition (Isa Pa!)” concert ng award-winning singer-songwriter na si Ice Seguerra sa Music Museum sa November 8.
Naikuwento ni Ice sa naganap na intimate presscon kamakailan ang ilang paandar at pasabog na inihahanda nila para sa panibagong repeat ng kanyang matagumpay na “Videoke Hits” concert series.
Isa na nga riyan ang pagpayag ng veteran actress at Mowelfund executive na si Boots Anson-Rodrigo na magkaroon ng special participation sa concert.
Kakanta at sasayaw daw ang premyadong aktres sa “Videoke Hits: OPM Edition (Isa Pa!)” na siguradong magmamarka talaga sa mga manonood.
Baka Bet Mo: Ice Seguerra ibinandera ang Top 4 song na laging kinakanta sa videoke
Pahayag ni Ice, nanood daw si Miss Boots sa huling “Videoke Hits: OPM Edition” kasama ang pamilya nito pero nahiya raw siyang lapitan ito para pakantahin.
Pero nang makausap raw niya ang aktres mismong ito na raw ang nag-volunteer na makiki-sing-along at makikisayaw pa sa repeat ng concert.
“‘Okay, Tita! Game ka d’yan, ha?’ sabi ko. ‘When is your next show ba?’ Sabi ko, ‘November 8.’ So, ayun, manonood sila uli. So this time, kakanta’t sasayaw na siya. Ha-hahaha!” masayang kuwento ni Ice na siya ring magdidirek ng kanyang concert.
Bukod daw kay Tita Boots, marami pang dapat abangan sa “Videoke Hits: OPM Edition (Isa Pa!)” lalo na nga’t bawat “Videoke Hits” concert ni Ice ay dinadayo ng kapwa niya singers at performers.
In fairness, nasa-shock na lang daw siya sa mga celebrities na nanonood sa kanyang concert tulad na lang nina Richard Reynoso, Juris, mag-asawang Robert Sena at Isay Alvarez at marami pang iba
Kuwento pa ni Ice gusto sana niyang maging bahagi ng concert at makasama sa isang medley ang OPM icon na si Sampaguita dahil super fan daw siya nito.
Ngunit hindi raw ito pwede dahil may prior commitment na raw ang Queen of Pinoy Rock, na nagpasikat sa mga OPM classic na “Nosi Ba Lasi,” “Laguna,” “Bonggahan,” at marami pang iba.
Para sa tickets ng “Videoke Hits: OPM Edition (Isa Pa!)”, call lang kayo sa Ticketworld at sa Fire and Ice Live (0917-5420303).