JK Labajo
“NUMBER 1” fan ng award-winning OPM artist na si JK Labajo ang kanyang lola na super proud sa lahat ng na-achieve niya bilang singer at aktor.
Binigyan ng pa-tribute ni JK ang pinakamamahal na lola sa presscon ng kanyang major concert na “Juan Karlos LIVE” na magaganap sa November 29 sa SM Mall of Asia Arena.
Kuwento ng Kapamilya artist, talagang nakikipag-usap online ang kanyang lola sa mga fans para magpasalamat sa pagmamahal at pagsuporta sa lahat ng ginagawa niyang projects.
“She would push me to do all of these things that she thought would be best for me. My Lola is really that one constant in my life,” sey ni JK.
Baka Bet Mo: JK Labajo nag-react kay Dingdong Dantes: Sir, linya ko po yan…
Sobrang na-excite rin daw ang lola niya nang malamang tuloy na tuloy na ang kanyang major concert na ipo-produce ng Nathan Studios na pag-aari ng pamilya ng premyadong aktres na si Sylvia Sanchez in cooperation of Universal Music Group Philippines.
“She was really happy when she found out and then she started doing her TikTok dance. After that, nanghingi ng maraming tickets kasi marami siyang gustong bigyan.
“She’s always there, especially online. Siya lagi ang nakikipag-usap sa supporters. Masaya si Lola. Super saya niya,” ani JK.
Samantala, excited na ang singer sa kanyang “Juan Karlos LIVE” concert, “It’s really focused more on me being a musician. It really just revolves at all the songs that I’ve made all throughout those years.”
Inihayag din ni JK ang kahalagahan ng support system sa buhay at ang pagkakaroon ng mga positive na tao sa ating buhay.
“We have that choice of redirecting our focus to the positive side. And instead of focusing on the ones who don’t believe in, the ones who don’t love, and the ones who don’t care, focus on the opposite side, right?
“There’s a whole outside of this, there’s a whole online and public image of persona that is separate from what we do now. It’s the little acts of kindness that you do, that you can do for free,” aniya.
Directed by Paolo Valenciano with Karel Honasan as musical director, available pa rin ang ticket sa “Juan Karlos LIVE” sa lahat ng SM Tickets outlets.