PHOTO: Courtesy of Sean Jimenez
PASABOG ang pagdiriwang ng MassKara Festival sa tinaguriang City of Smiles –ang Bacolod City!
Bukod kasi sa taunang display ng makukulay na maskara, street dance, at iba’t-ibang gimik na mga palaro ay bonggang-bongga rin ang live performances ng ilang mga OPM artists!
Isa na riyan syempre ang pasabog na event ng Coke Studio, ang music platform ng sikat na beverage company na sumusuporta sa maraming Pinoy musicians.
For this year, si Zack Tabudlo, kasama sina Janine Berdin, Mijon., at Project Juan ang mga nanguna sa Coke Studio concert na naganap sa Bacolod City noong Sabado, October 26.
Baka Bet Mo: EXCLUSIVE: Zack Tabudlo ‘goal’ ang makatulong sa maraming tao sa pamamagitan ng musika
Grabe ang energy at performances ng nasabing artists dahil talagang dinumog at pinagkaguluhan ng maraming tao ang event, gayundin ang mga itinayong booths ng Coca-Cola Philippines.
And wait, there’s more! Alam niyo bang, nag-release ng bagong kanta ang nation’s P-Pop girl group na BINI?
Pinamagatan itong “Blooming” na handog para sa ika-8th season ng Coke Studio!
Bilang inilabas din ito noong Sabado ay nagkaroon pa nga ng listening session sa nasabing event.
Mapapakinggan na ito sa Spotify at ang live performance para sa bagong kanta ay mapapanood sa YouTube sa Lunes, October 28, 6 p.m.
Samantala, nasaksihan din ng BANDERA ang street dance competition sa nasabing piyesta at pitong barangay ang lumahok para riyan.
Ang itinanghal na grand champion ay ang barangay Granada at ang inuwi nilang premyo ay tumataginting na isang milyong piso!