Juancho Trivino at Joyce Pring
PINUSUAN at umani ng mga positibo at inspiring comments mula sa mga netizens ang naging anniversary message ni Joyce Pring para sa asawang si Juancho Trivino.
Nag-celebrate ng kanilang 5th wedding anniversary ang Kapuso couple kamakailan at pak na pak nga sa kanilang mga supporters ang ibinahaging mensahe ni Joyce for her husband.
Sa kanyang Instagram page, nag-post ang Kapuso TV host at celebrity mom ng wedding photos nila ni Juancho kalakip ang sweet and touching anniversary message niya para sa asawa.
Dito, inalala niya ang naging journey nila ng aktor at TV host mula sa kanilang engagement, sa kasalan hanggang sa maging parents na sa kanilang mga anak na sina Alonso Eliam at Agnes Eleanor.
Baka Bet Mo: Joyce Pring isinilang na ang 2nd baby, may nakakalokang hirit kay Juancho Trivino: ‘Hirap na hirap yarn?’
“Three cheers for FIVE years,” simulang caption ni Joyce sa kanyang IG post.
“After eight months of dating, Juancho Trivino asked me to be his wife. After three months of being engaged, we decided to get married in front of our nuclear family.
“After being married for one year, I got pregnant with Eliam. And now, after five years of marriage, we’re both 31, and we have two babies, as we continue building life together.. all by God’s grace,” pagbabahagi pa ni Joyce.
Binalikan din niya ang mga kinaharap na challenges noong ihayag na nila sa publiko ang planong pagpapakasal. Marami kasi ang nagsabi na napakabilis daw ng mga pangyayari sa kanilang love story.
Nag-propose si Juancho kay Joyce noong 2019 at ikinasal February ng 2020. Isinilang ni Joyce ang first child nila pagsapit ng July, 2021. At ipinanganak naman ang kanilang bunso noong April 2023.
“When Juancho and I announced our engagement to our closest friends and family, they all (but a few) looked at us like we were crazy.
“The faces were even more incredulous when we told them we wanted to get married just a few months after.
“I would’ve probably had the same reaction, but I knew we were doing the right thing, for the right reasons, at the right time.
“We had gone through premarital counseling, we prayed and fasted about the decision, consulted our mentors and spiritual leaders, and eventually got the blessing of both our parents… and everything just fell right into place,” lahad pa ng dating host ng “Unang Hirit.”
Sa huling bahagi ng kanyang mensahe ay binati na niya si Juancho, “Happy anniversary my love Juancho Trivino. I love you more today than 5 years and 15 pounds ago.”
Bumaha ng red heart emojis sa comments section ng IG post ni Joyce at halos lahat ay nangakong ipagdarasal na sana’y pang-forever na nga ang kanilang pagsasama at pagmamahalan.