PHOTO: Instagram/@debiie_then
IKINASAL na ang aktor na si Dino Imperial sa longtime partner niya na dating MYX VJ na si Debbie!
Isinagawa ito sa pamamagitan ng intimate wedding na ginanap sa Little Church of the West sa Las Vegas, Nevada.
Ang masayang balita ay ibinandera mismo ng couple sa kanilang Instagram, kalakip ang ilang pictures sa kanilang wedding ceremony.
Makikitang blooming na blooming si Debbie sa suot niyang strapless wedding gown, habang si Dino ay naka-black leather jacket at sneakers.
Base pa sa post ng dalawa, ang wedding nila ay nangyari noon pang September 21.
Baka Bet Mo: Barbie Imperial huli sa CCTV, sinugod ang Vivamax artist na ‘nang-agaw’ sa ex niya?
“Got hitched in Vegas,” bungad sa caption ng IG post.
Pagbabahagi ng couple, “PT. 1 of the #DZxDT wedding series was an intimate setting in [Dino’s] hometown. We appreciate all of you all who came through from other states and our local friends and family for the hospitality.”
Kasunod niyan, ibinunyag din nina Debbie at Dino na ikakasal pa ulit sila sa Brunei at Manila very soon.
“Brunei will be the 2nd leg of our world tour (WORLD TOUR?!) and Manila in 2 years so don’t make tampo na, ok?” wika nila.
Bago ‘yan, ibinandera ni Debbie na nagkaroon siya ng bachelorette party na kung saan ay nanood siya ng “Magic Mike” show.
“Ain’t no bachelorette party in Vegas without a little magic,” caption niya.
Sambit pa ng misis ni Dino, “Fulfilled a bucket list hope of mine to see [magicmikelive] and it did not disappoint!”
“Combining the spirit of the movies and simply knowing their target market, the show is a class act on consent, wish fulfillment, and women empowerment. This is NOT your ordinary strip show,” patuloy ng dating VJ.
Aniya pa, “Hell, they were dressed for most of it! Tasteful, fun and perfect for a GNO. It’s performance art.”
Bandang huli, pinasalamatan niya ang kanyang mister dahil ito raw ang tumulong sa kanya na makakuha ng magandang view sa show.
“Thanks to the best hubby ever [Dino] for helping us get good seats and knowing the moves by heart—that I enjoyed all to myself,” mensahe niya.
Si Dino ay nagsimulang sumikat bilang miyembro ng Giggerboys, ang all-male dance group ng ABS-CBN.
Kasama niya riyan sina Robi Domingo, Enchong Dee, Arron Villaflor, Chris Gutierrez, Sam Concepcion, at ang yumaong AJ Perez.
Tumampok din siya dati sa mga teleseryeng “Katorse,” “La Luna Sanggre” at “La Luna.”
Kabilang sa recent projects niya ang action-drama series na “FPJ’s Batang Quiapo” at “Black Rider.”