PHOTO: Instagram/@nikki_de_moura
ILANG oras nalang, kokoronahan na ang bagong reyna ng Miss Grand Philippines!
Ang coronation night ay mangyayari sa Newport Performing Arts Theater sa Pasay City mamayang gabi, September 19.
Pero ano-ano kaya ang hinahanap na katangian upang hirangin na big winner sa nasabing kompetisyon?
Nakachikahan ng INQUIRER.net ang reigning queen na si Nikki De Moura at isa-isa niyang ibinunyag ang mga nais niya para sa susunod na titleholder.
“I’m looking for someone who’s fearless and bold and not afraid to do the unknown,” sey ng Brazilian-Filipino model sa isang event sa Makati City.
Baka Bet Mo: EXCLUSIVE: Jayda chinika ang hinahanap na katangian ng ‘right lover’
Para sa mga hindi masyadong aware, ang Miss Grand Philippines crown ay ang ikalawang national title ni Nikki na nakuha niya last year.
Ang una niyang korona ay ang Miss Teen Philippines noong 2019.
Taong 2021 naman nang mag-join siya sa season 6 ng Asian reality competition na “Supermodel Me: Revolution.”
Ito ay ginanap sa Singapore at isa lamang siya sa tatlong Pinay models na lumaban diyan.
Samantala, ang magwawagi sa Miss Grand Philippines ay magtutungo agad sa Thailand sa October 3 upang maging parte ng 2024 Miss Grand International pageant.
Ang coronation event naman para diyan ay gaganapin sa Bangkok sa darating na October 25.
Until now, wala pang Pinay ang nakokoronahan sa nasabing international competition, pero ang highest placement na nakamit ng ating bansa ay ang first-runner ups na sina Nicole Cordoves (2016) at Samantha Bernardo (2020).
Bukod sa nabanggit na top winner ng national pageant, pipiliin din kung sino ang magiging kinatawan ng Pilipinas para sa 2025 Universal Woman pageant.