Sophie Andres with Steph Aparici
IBINUNYAG ng aktres na si Sofia Andres na kumalas na siya sa celebrity stylist na si Steph Aparici.
Ang balita na ito ay inanunsyo mismo ni Sofia sa kanyang Instagram page noong Huwebes, September 24.
“After much consideration, l’ve decided to part ways with my current stylist that I also treated as my family, Ms. Steph Aparici,” bungad niya sa caption.
Patuloy niya, “It was a hard decision but l’m excited to explore new opportunities and styles moving forward.”
“I’ve never experienced anything like this before,” dagdag ng celebrity mom.
Baka Bet Mo: Sofia mas naging ‘better person’ mula nang maging nanay; Juday, Echo eeksena sa GMA
Aniya pa, “It’s a reminder to be cautious—business is business, nothing personal. And I’m learning to trust my instincts.”
Hindi idinetalye ni Sofia ang rason kung bakit pinutol na niya ang ugnayan kay Steph, pero ang lumalabas ay nalaman niyang ginagamit nito ang kanyang pangalan upang makipag-deal sa mga brands na walang paalam sa kanya.
“To all the brands that I’ve worked with through her; or sent some pieces that didn’t reach me or I haven’t posted, [please] feel free to email me directly!” lahad niya sa IG.
Edited ang nasabing post ng aktres, pero marami ang nakapag-screenshot ng original post niya na muling inuplaod ng ilang netizens.
Ang pahayag na kanyang tinanggal ay ito: “Because I wasn’t aware that she’s been using my name [and] would also share my contacts to other clients.”
As of this writing, wala pang komento o pahayag si Steph patungkol sa isyu na ito.