MULI na namang binanatan ng kontrobersyal na direktor na si Darryl Yap ang dyowa ni Carlos Yulo na si Chloe San Jose.
Sa kanyang Facebook page ay ibinahagi nito ang video ng interview ng dalaga kung saan nausisa siya kung ano ang kanyang skincare routine.
Tila hindi pa rin natatapos ang iringang ng dalawa online dahil negatibo pa rin ang komento ni Darryl sa kanyang shared post.
Sa naturang video clip ay inilahad ni Chloe ang mga ginagamit niya sa kanyang mukha gaya ng cleansing balm, foam cleanser, toner, serum, moisturizer at sunscreen.
Baka Bet Mo: Pag artista ka tapos nagpalaglag, bawal magpaka-cool! – Darryl Yap
Ito nga ay ibinahagi ni Darryl na may nakakatawang caption na, “Alam nyo na paano kakapal ang mukha nyo.”
Umani nga ito ng samu’t saring komento mula sa madlang pipol ang naturang post ng direktor.
“hirap nito magsalita parang ang sakit sa pisngi yung pinipilit mo mgsalita while naka smile ngpapa cute anu,” saad ng isang netizen.
Comment naman ng isa, “Apaka bitter nitong darryl na to hayaan mo yung tao.”
“Skincare na nakakapasma ng bunganga,” chika pa ng isa.
Sa comment section naman ay tila binawi naman ni Darryl ang kanyang naunang caption.
“Gaganda. Sorry, nakaAuto yung Kakapal,” sey ng direktor.
Para sa mga hindi aware, si Darryl Yap ang direktor sa kontrobersyal na pelikulang “Maid in Maacañang”.