Barbie sa 1st kiss nila ni David sa ‘Pulang Araw’: Nataranta si self!

PHOTO: Instagram/@sparklegmaartistcenter

KILIG overload ang tagasubaybay ng historical series na “Pulang Araw” na pinagbibidahan nina Barbie Forteza, David Licauco, Sanya Lopez at Alden Richards.

Sa recent episode kasi nito ay ibinandera na ang first kissing scene nina Adelina na ginagampanan ni Barbie at Hiroshi na karakter ni David sa teleserye.

Ito ‘yung eksena na bumisita si Hiroshi kay Adelina upang ipagtapat ang tunay niyang nararamdaman at bigla silang naghalikan.

Ngunit tila nagkagulo pa dahil nahuli sila ng kapatid ni Adelina na si Teresita (Sanya) na nakatakdang ipakasal kay Hiroshi.

Sa pamamagitan ng X (dating Twitter), si Barbie ay nagkwento sa nangyari behind-the-scene.

Baka Bet Mo: Sanya nakalunok ng pawis, Alden binomba at pinagbabaril sa ‘Pulang Araw’

“Actually habang iniintay namin ni David ng ‘magkakiss’ bago lumabas si Sanya sa eksena, ‘di ko sure kung dapat ba pumikit ako o dumilat kase si David, nakadilat at nakatingin lang saken. BWAHAHAHAHAHAHAHA!!!!” wika ng aktres.

Kasunod niyan, inihayag niya ang kanyang reaksyon sa first kiss nila sa teleserye.

“Nataranta si self ng very light hahahaha!!!” sey ng Kapuso Primetime Princess.

Actually habang iniintay namin ni David ng “magkakiss” bago lumabas si Sanya sa eksena, di ko sure kung dapat ba pumikit ako o dumilat kase si David, nakadilat at nakatingin lang saken. BWAHAHAHAHAHAHAHA!!!!

Nataranta si self ng very light hahahaha!!!#PulangArawWarBegins

— Barbie Forteza (@dealwithBARBIE) August 23, 2024

Sa comment section, maraming fans ang hindi mapigilang kiligin kina Barbie at David.

Narito ang ilan sa mga nabasa namin:

“Grabeeee [red heart emojis] Ako ang sumabog sa kilig sa inyooo!!!”

“Di naman ba natunaw ang adelina???? [red heart, laughing emojis]”

“But sa true lang mhiee mas kinakabahan pa ako sa eksena bakit kasi sa harapan pa talaga [ng] gate haha pwede naman sa gilid haha!”

“Pano pa kaya kung totoo na hehehe..kilig naman ako [red heart emojis].”

Narito ang synopsis ng magiging kwento ng bagong series: 

“‘Pulang Araw’ chronicles the lives of Eduardo (Alden), Teresita (Sanya), Adelina (Barbie), and Hiroshi (David) during the Japanese occupation of the Philippines. Find out how the characters navigate an intricate web of loyalty, betrayals, sacrifices, and resilience amidst the backdrop of a war ravaging the country.”

Tampok din sa show sina Rochelle Pangilinan, Epi Quizon, Ashley Ortega, Angelu de Leon, at marami pang iba.

Ang “Pulang Araw” ay mapapanood tuwing weekday, 8 p.m. sa GMA Prime, pati na rin sa Netflix.