Katrina Halili at Marian Rivera
WISH ng Kapuso actress na si Katrina Halili na muling makasama sa isang teleserye o pelikula ang kanyang ultimate girl crush.
Muling pinatunayan ni Katrina ang loyalty sa GMA 7 matapos pumirma uli ng kontrata sa Sparkle talent management at excited na siya sa mga susunod na acting projects niya sa network.
Ayon kay Kat, kung mabibigyan uli ng pagkakataon nais niyang makatrabaho uli ang nag-iisang Kapuso Primetime Queen na si Marian Rivera.
Isa si Katrina sa mga celebrities na nagpapatunay kung gaano kabuting tao ang asawa ni Dingdong Dantes, bukod pa nga yan sa galing ni Marian bilang isang aktres.
Baka Bet Mo: Katrina Halili ayaw nang magpakasal at magka-baby; umaming BFF ni John Lloyd ang bagong dyowa
Bukod dito, bilib din daw siya sa pagiging hands-on mom ni Marian sa dalawang anak nila ni Dong na sina Zia at Sixto at napagsasabay pa niya ito sa paggawa ng mga makabuluhang pelikula at TV show.
“Mabait siya kapag nakilala mo siya. Mabait siya sa mga kaibigan niya. And nakikita naman natin na ang galing niya din as a mom, ‘di ba?” sey ni Katrina sa panayam ng GMA Network.
Chika pa ni Kat, “Siyempre, looking forward na sana maka-work ko ulit si Marian next time.” Nagkatrabaho ang dalawa sa Kapuso hit series na “Marimar” at “Darna.”
Samantala, feeling thankful and grateful din ang aktres sa muli niyang pagpirma ng kontrata sa Sparkle at umaasa siya na mas marami pa siyang maging proyekto sa GMA 7.