Isko Moreno, Justin Trudeau at Alden Richards
MAS naging memorable at historical ang pagtungo ni Isko Moreno sa Canada para sa “Sparkle World Tour” upang magbigay-saya at sorpresa sa Global Pinoys abroad.
Bukod kasi sa pagpe-perform sa mga kababayan nating nagtatrabaho at naninirahan na sa Canada kasama ang iba pang Sparkle artists, nabigyan din ng chance si Yorme na ma-meet ang Prime Minister ng Canada na si Justin Trudeau.
Nangyari ang kanilang pagkikita sa Taste of Manila event sa Wilson Ave. at Bathurst St., Toronto kung saan nagtipun-tipon ang Filipino community doon.
Baka Bet Mo: Bea, Dingdong, Ai Ai, Julie Anne, Rayver magpapasabog ng good vibes sa US; maraming sorpresa para sa mga Pinoy
Ibinahagi ng Sparkle GMA Artist Center sa Instagram ang mga photos nina Yorme at Trudeau na kuha sa naturang event.
May video rin ang GMA Pinoy TV sa Instagram kung saan makikita ang pagdating ni Trudeau sa venue ng Taste of Manila event pati na ang pagpapakilala kina Isko at Trudeau.
Baka Bet Mo: Kylie Padilla palaban na rin sa pagpapa-sexy; ‘Sparkle Fans Day’ bonggang Christmas treat ng GMA sa mga Kapuso
Makikita rin sa video ang pagse-shake hands ng dalawang personalidad.
Kasama naman ni Isko na nag-perform sa “Sparkle World Tour” sa Canada sina Asia’s Multimedia Star Alden Richards at Boobay.
Handang-handa na ang Sparkle artists para sa Sparkle World Tour simula ngayong August hanggang September.
Noong August 9 naman, nakisaya sina Alden, Isko, Boobay, Rayver Cruz, Julie Anne San Jose, at Ai Ai Delas Alas sa City National Grove of Anaheim, California.