Bea, Dingdong, Ai Ai, Julie Anne, Rayver magpapasabog ng good vibes sa US; maraming sorpresa para sa mga Pinoy
Dingdong Dantes, Bea Alonzo, Mark Reyes, Julie Anne San Jose at Rayver Cruz
NGAYONG darating na September 24 at 25, nagbabalik sa U.S. concert scene ang GMA Pinoy TV para sa pinakamalaking selebrasyon ng ika-17 anibersaryo nito.
Magsasama-sama sa “Together Again: A GMA Pinoy TV @ 17 Concert” ang naglalakihang Kapuso stars na sina multi-awarded actress and box office icon Bea Alonzo, Kapuso Comedy Concert Queen Ai Ai delas Alas, Asia’s Nightingale Lani Misalucha, Asia’s Limitless Star Julie Anne San Jose, Kapuso Total Heartthrob Rayver Cruz, at Kapuso Primetime King Dingdong Dantes.
Gaganapin ang two-night concert sa Pechanga Theater, Pechanga Resort Casino sa Temecula, California, USA.
Ibinahagi ni Bea kung gaano siya ka-excited para sa kanyang unang concert abroad bilang Kapuso.
“I will be on the GMA Pinoy TV stage for the first time with my fellow Kapuso stars, and excited ako kasi I want to give the Pinoys abroad the entertainment and the joy that they so deserve dahil ang dami nating pinagdaanan this past year,” pahayag ng aktres.
View this post on Instagram
“Mga Kapuso abroad, ito na po ang hinihintay ninyo na concert. Malapit na malapit na po at sana’y manood kayo,” sey naman ni Ai Ai.
Chika naman ni Lani na nasa Amerika na ngayon, “I am overjoyed because GMA Pinoy TV is going to have a concert once again here in the US.
“I am going to be perform with my kumare and my co-judge in ‘The Clash,’ Ms. Ai Ai delas Alas. Not only that, I will also be performing with this very adorable couple, Rayver Cruz and Julie Anne San Jose. Kasama rin po natin dito sa GMA Pinoy TV concert in the US ang napakaguwapong si Dingdong Dantes at ang very beautiful na si Bea Alonzo,” dagdag pa ng Asia’s Nightingale.
Handang-handa naman si Julie Anne na muling ipakita ang kanyang limitless talent sa kanyang mga kababayan doon.
“We’re very excited to show to everyone kung ano ‘yung mga inihinanda naming prod numbers. It’s also a great opportunity for all of us kasi makikita namin ulit ‘yung mga Kapuso natin abroad after a very long time,” sey pa ng singer-actress.
“Sobrang excited kasi ang tagal na nga na panahon after New York, ilang years ago ‘yun, so excited na kami makita ‘yung mga Kapuso namin diyan sa Amerika,” dagdag naman ni Rayver.
At siyempre, looking forward din si Dingdong na makasama muli ang mga Kapuso abroad dahil 2018 pa noong huli siyang bumyahe sa US kasama ang GMA Pinoy TV.
“Ang saya kasi iba talaga ‘yung pakiramdam na makita mo at makausap mo sila nang harapan. Iba rin kasi kapag online,” ani Dong.
Sa direksyon ni Mark Reyes, ang “Together Again: A GMA Pinoy TV @ 17 Concert” ay inihahandog ng Pechanga Resort Casino sa pakikipagtulungan sa GMA Pinoy TV, Starmedia Entertainment, at GMA Synergy. Kasama rin dito ang GMA Regional TV, GMA Entertainment Group, GMA Life TV, GMA News TV, at Tancinco Law P.C.
“We are more than thrilled to share with our beloved Kapuso abroad that GMA Pinoy TV is having a comeback concert in the US after over two years of physically distanced and virtual events.
“As fitting as our concert title, there is no better time to be ‘Together Again’ than to be with our fellow kababayans as we celebrate our anniversary. After all, they are the reason why GMA Pinoy TV is standing Stronger Together through 17 years,” sabi ni GMA International First Vice President and Head Joseph Francia.
Kahit hindi na magkaibigan…Ai Ai hiling pa rin ang paggaling ni Kris: God bless her
BL actor umaasa na lang sa padala ng beking fans mula sa abroad, pero may kapalit?
Angeline: Ang unang gusto kong gawin after ng pandemic ay makapag-show uli abroad dahil…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.