Robby Tarroza kay Joed Serrano: Gin*go niya ‘ko, sinayang talaga niya
![Robby Tarroza kay Joed Serrano: Gin*g* niya 'ko, sinayang talaga niya](https://bandera.inquirer.net/files/2024/07/GridArt_20240728_141014127-1200x742.jpg)
Joed Serrano at Robby Tarroza
PART 3 ito ng panayam ng online host na si Romel Chika sa dating aktor at commercial model na si Robby Tarroza na napapanood sa kanyang YouTube channel.
Naikuwento ni Robby na successful producers sila ng dating karelasyong si Joed Serrano for both local and international artists.
“We did a lot like Vice Ganda sa Araneta 1, (May nag text ‘yung totoo 5-15-2010), then ka-partner namin ang Viva sa part 2, Martin Nievera, Lani Misalucha, all the big stars.
“Sa Japan naman, we brought Regine Velasquez with Ogie (Alcasid), Pops (Fernandez) with Regine, Martin, Gary (Valenciano), Sharon Cuneta,” aniya pa.
Baka Bet Mo: Rabiya, Jeric dedma lang sa magkaibang religion; Jo Berry nagbalak mag-apply uli sa call center dahil sa pandemya
Ang mga international artists na dinala naman nila sa Pilipinas para mag show, “We did Maria Carey before, James Ingram, F4 (original cast) was one of the biggest when we brought them to the Philippines,” balik-tanaw ni Robby.
Oo nga, sino ba naman ang makalilimot sa mga nabanggit na parating jampacked na concerts nila rito sa bansa.
Tanong ni Romel Chika, “Malaki ba talaga ang kita kapag local artists kasi bonggang-bongga ito, eh! Ang puhunan?”
“Yeah like ‘yung F4 was 1 million dollars like mga P55 million not just the talent fee, iba pa ‘yung production cost, venue and everything else, so we tried to get sponsors to cover most of the cost and the ticket sales to balance out, so, we earned good money,” pag-amin ng dating partner ni Joed.
Nang maghiwalay daw ang dalawa ay naiwan din kay Joed ang kumpanya nila at sa huling dalawang concert ng Canadian singer na si Celine Dion ay may ibang taong tumulong na sa una.
Baka Bet Mo: Robby Tarroza humirit uli: ‘Sa totoo lang, ang may kasalanan sa isyu ng KABIT, ay ang mga mambabatas!’
Sa kasalukuyan ay sa Amerika na nakatira si Robby at masaya siya sa buhay niya ngayon.
“I’m very happy with my life now nakatira ako sa Amerika, Hollywood, I’m working with a very big company. My husband is the best thing ever happened to my life,” masayang sabi ni Robby.
Tila nainggit si Romel Chika dahil tanggap si Robby ng kanyang pamilya bilang siya at nasambit ring mabait ang magulang ng mga ito.
“Mabait ang magulang ko, my mother, my father especially my mother when I’m about to come out, she called and said, ‘Anak, we will accept you whoever you are, whatever you are and tell Joed that he is part of our family.
“Yun ang masakit sa akin kasi tinanggap siya and then ginago lang niya ako sinayang talaga niya, he was accepted, he was well supported anything na gusto niya ibinibigay ‘yung pera sa kanya para mag-produce but I hope he’s happy now whoever he is with,” nakatawang sabi ni Robby.
Say naman ni Romel Chika, “I’m sure mapapanood niya ito, may gusto ka bang sabihin kay Joed? At least ito hindi over the phone (kundi) over the social media, parang nasa-sad ka?”
“Nasa-sad ako sa buhay niya, I know what he is going through. Dear Joed, I want you to be happy. Kung ano ‘yung happiness na nararamdaman ko ngayon in my life sana ma-experience mo rin.
“‘Coz it’s really wonderful to find the right person…be loved, be cared for, and wake up every morning thanking God that you have the perfect partner that’s what I have right now sana you’ll find the right person and happiness,” mensahe ni Robby sa dati niyang karelasyon.
Bukas ang BANDERA sa magiging pahagay ni Joed hinggil sa isyung ito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.